Túimebaev Niderland Koroldiginiń elshisimen kezdesti
Kezdesý barysynda aimaq basshysy qonaqtardy óńirimizge kelýimen quttyqtap, oblystyń ekonomikalyq áleýetimen jáne kásipkerlerge jasalyp jatqan múmkinshikterimen tanystyrdy.
– Niderland – Qazaqstan ekonomikasyndaǵy eń iri sheteldik investor. Sizder jaqtan elimizge tartylǵan investitsiianyń kólemi 6 mlrd. AQSh dollaryna jetti. Ótken jyldyń qorytyndysy boiynsha eki el arasyndaǵy taýar ainalymy da aýqymdy, 5 mlrd. AQSh dollarynan asty. Bul qarym-qatynas ásirese bizdiń oblysymyz úshin tiimdiligi erekshe bolyp otyr. Óńirimiz aýyl sharýashylyq salasyna beiim aimaq. Osy baǵytta ózderińizben birlese otyryp, kóptegen jobalardy júzege asyrdyq. Sizderdi budan da tyǵyz bailanys ornatýǵa shaqyramyn, – dedi Janseiit Qanseiituly.
Sondai-aq, óńir basshysy qonaqtardy OQO men Niderland arasynda arnaiy memorandým túzýge shaqyrdy. Kelisim-shart negizinen aýyl sharýashylyǵy salasyn órkendetýge baǵyttalatyn bolady.
Óz kezeginde Ian Kop Dirk oblys ákiminiń usynysyna qoldaý bildirip, jańa jobalardy birlesip júzege asyrýǵa daiyn ekendikterin jetkizdi.
Kezdesý sońynda aimaq basshysy qonaqtarǵa syi-siiapat jasap, estelikke sýretke tústi.
OQO ákiminiń baspasóz qyzmeti
https://dalanews.kz/25359
