Budan bylai mashinadan shyǵatyn lastaýshy zattar men shý deńgeii belgilengen shekten assa, eskertý jasalady nemese jeke tulǵalarǵa 10 AEK, zańdy tulǵalarǵa 100 AEK aiyppul salynady. Eger bul bir jyl ishinde qaitalansa, jeke tulǵalar 20 AEK, zańdy tulǵalar 200 AEK aiyppul tóleidi.
Buǵan deiin "las" kólik júrgizgenderge eskertý jasalatyn nemese 2 AEK aiyppul salynatyn, al avtokólikke ielik etetin kompaniialar jazaǵa tartylmady, deidi kolesa.kz.
Zań jobasy daiyndalyp jatqan kezde aiyppul mólsherin 2.5 ese ósirý josparlanǵan bolatyn.
"Dóńgelekti kólik quraldarynyń qaýipsizdigi týraly" Kedendik odaqtyń 018/2011 tehnikalyq reglamentine sai benzinmen júretin mashinany teksergende gaz taldaýyshtaǵy kórsetkish myna normadan (SO) aspaýy kerek:
Al dizeldi kólikterdiń tútini myna normadan aspaýǵa tiis:
"Avtomobil kóligi. Kólik quraldarynan aýaǵa shyǵarylǵan gazdarmen lastaýshy zattar. Anyqtaýdyń normasy men ádisi" atty QR ST 1433-2017 standartyna sáikes, qorshaǵan orta temperatýrasy 7 °C-tan tómen jáne 35 °C-tan joǵary bolǵan kezde kólikten shyǵatyn ýly gazdyń quramy men tútinin tekserýge tyiym salynady. Sondai-aq atmosferalyq qysym 92 kPa-dan kem bolmaýy qajet.
