Sonymen, týrızmdegi úzdikterdi jarıalasaq. «Týrısik destınasıany damytýǵa qosqan úlesi úshin» atalymyn Túlkibas aýdanynyń ákimdigi alsa, «Týrızm salasynyń damýyna qosqan úlesi úshin» nomınasıasyn Keńesbaı Ismaılov, Elena Kerher, Ǵanı Nazarbekov, Roza Shúkenovalar ıelendi. «Tarıhı-mádenı týrızmdi damytýǵa qosqan úlesi úshin» marapatyn «Áziret Sultan», «Otyrar», «Ordabasy» qoryq-murajaılarynyń ujymy enshilese, «Ekologıalyq týrızmdi damytýǵa qosqan úlesi úshin» atalymyn «Aqsý-Jabaǵyly», «Qarataý» qoryqtary, «Saıram-Ógem» ulttyq parki jáne «Syrdarıa-Túrkistan» óńirlik parki ıelendi. Sondaı-aq, merekelik basqosýda «Úzdik týrısik uıym» - «Jańa talap grýp» JSHS-ne, «Úzdik qonaq úı» - «Hanaka» qonaq úıine, «Úzdik sanatorly-kýrorttyq mekeme» - «Araı de Lúks» shıpajaıyna, «Úzdik demalys aımaǵy» - «Almataý» demalys aımaǵyna, «Úzdik meıramhana» atalymy «Sky» meıramhanasyna jáne «Úzdik gıd-ekskýrsovod» ataǵy Ismaıl Omaralıevke tabystaldy.
Aıta keteıik, atalǵan sharanyń basty maqsaty – úzdik týrısik bıznes ókilderin anyqtaý jáne kótermeleý, jyldy qorytyndylap, týrısik ındýstrıa mekemelerin yntalandyrý bolyp tabylady.
Bıyl tuńǵysh ret ótkizilip otyrǵan sharany endigi kezekte jyl saıyn uıymdastyrylatyn dástúrli merekege aınaldyrý josparlanyp otyr. Bul jumystar, óz kezeginde, ishki jáne kirý týrızmin damytýǵa septigin tıgizip, qyzmet kórsetý sapasynyń jaqsarýyna, sapaly týrısik ónim qalyptastyrýǵa oń áserin beredi, sonymen birge, oblystyń týrısik ındýstrıasynyń básekege qabilettiligin arttyrady.
Túrkistan oblysy ákiminiń baspasóz qyzmeti
