2023 jylǵy 17 qańtarda Almaty qalasynyń máslihaty týristik alym kólemin qonaq úi qunynyń 5% deńgeiinde belgiledi. Qazir týristik jarna elimizdiń 31 qala men aýdanǵa engizilgen. Astana men Almatyda bul jarna 5% kóleminde bekitildi. Al basqa aýdan men qalalarda mólsherleme ártúrli bolýy múmkin, biraq 1% kem bolmaýǵa tiis.
«Búgin biz týristerge 5% jarna túrindegi qoldaýdyń mańyzy zor ekenin ashyq aitýymyz kerek jáne muny Qazaqstanǵa keletin týristerdiń durys túsinetinine senimdimin.
Budan túsetin aqsha týrizmdi damytýǵa, marketingke, destinatsiiany ilgeriletýge, infraqurylym men týristik qyzmetterdiń sapasyn arttyrýǵa baǵyttalady», - deidi Qazaqstan týristik qaýymdastyǵynyń prezidenti Rashida Sháikenova.
Onyń aitýynsha, sheteldik týrister bul aqsha ekologiialyq týrizmdi damytýǵa, Qazaqstannyń tabiǵaty men tabiǵi resýrstaryn saqtaýǵa jumsalatynyn biledi, týristik alymdy qinalmai tóleidi.
Ibis Novotel qonaq úiiniń basqarýshysy Arsenii Tagaev ta osyndai ustanymda.
«Bastamanyń ózi qisyndy ári túsinikti: týristerden jinalatyn qarjy týristik salany damytýǵa, respýblikanyń damýyna jumsalady. Bul álemdik tájiribe.
Ózderińiz biletindei, kóptegen el týrizmdi qoldaý jáne damytý úshin bul bastamany engizip jatyr, sondyqtan osy tájiribe óte qolaily dep sanaimyn», - deidi ol.
