Bul týraly ol 31-arnanyń «Uıat emes» baǵdarlamasynda aıtty.
Oǵan, ádettegideı, toqal alý máselesine qatysty kózqarasy qandaı degen suraq qoıyldy. Buǵan deıin toqal alýǵa kelgende úrke qaraıtyn Móldir bul joly da sol kózqarasynan tanbady.
«Joq men qarsy bolam. Nege men dap-daıyn, kúshti, súıkimdi kúıeýimdi bireýmen bólisýim kerek? «, — dedi ol.
Onyń aıtýynsha, Tursynbek oǵan olaı aıtpaıdy.
«Al oǵan sizge kelip, men osylaı da, osylaı, ǵashyq bolyp qaldym» dese she?», — dedi júrgizýshi.
«Joq, Tursynbek olaı aıta almaıdy, aıtpaıdy. Men qyzǵanshaq adammyn. Men ondaıǵa kóne almaımyn, kónbeımin», — dep kesip aıtty Móldir.
Esterińizge salsaq, osydan biraz ýaqyt buryn ánshi Qaraqat Ábildına óziniń jary Qydyráliniń týǵan kúnine toqal alyp beremin dep jalpaq jurtqa jar salǵan bolatyn.
Sonymen birge, onyń ónerdegi qurbysy Aınur Tursynbaeva da kúni keshe toqal alýǵa qatysty oń kózqarasta ekenin aıtyp, onda turǵan esh sókettik joq degen pikirin jetkizgen.
