Senat depýtaty, IIM basshysynyń burynǵy orynbasary Marat Qojaev "Qýandyq Bishimbaev jazasyn ótep jatqanyn rastaityn nege birde-bir foto-video joq?" degen saýalǵa jaýap berdi, - dep habarlaidy Dalanews.kz Tengrinews.kz-ke siltep.
Senat kýlýarynda jýrnalister Qojaevtan sottalǵan burynǵy ulttyq ekonomika ministri nege kópshilikke kórsetilmeitinin surady.
Qojaevtyń sózinshe, Bishimbaevty Qylmystyq-atqarý júiesi komitetinde (QAJK) kórsetpeýine sebep - eks-ministrdiń ózin sýret-videoǵa túsirgenin qalamaýy.
"Munyń bári azamattardyń quqyǵyn qorǵaýǵa bailanysty. Tipti jazasyn ótep jatqan azamattyń da azamattyq quqyǵy bar. Eger ol ózin kórsetkisi kelmese, árine, ony májbúrleý múmkin emes. Keshirińizder, dóreki túrde aitaiyn: bul haiýanattar baǵy emes. Resmi ókilderge sený kerek. Ol Stepnogorsk qalasyndaǵy qaýipsizdigi eń joǵary koloniiada otyr", - dep túsindirdi Qojaev.
Aita keteiik, jýyrda áleýmettik jelide Bishimbaev qazaqstandyq koloniialardan tabylmaǵany týraly aqparat tarady. Keibir buqaralyq aqparat quraldary Bishimbaev jazasyn Stepnogorsk nemese Arshalyda ótep jatqanyn jazdy.
2024 jyly 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Áielin óltirgeni úshin qamaýǵa alynǵan Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin de QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
Al 12 qarashada apelliatsiialyq alqa Qýandyq Bishimbaevty ata-ana quqyǵynan aiyrý týraly shaǵymmen onyń burynǵy áieliniń talap aryzyn qarady.
Sot málimetinshe, eks-ministr balalarynyń tegin ózgertýine qarsy bolmady, alaida ony ata-ana quqyǵynan aiyrmady.
