Túrli-tústi revoliýtsiialar: Armeniia sarapshylarynyń kózimen
«Eýraziia keńistigindegi elektoraldy pasianstar: stsenariiler jáne tehnologiialar» atty taqyrypty talqyǵa salǵan «Eýraziia álemi» pikir saiys klýbynyń qatysýshylary osy oraidaǵy pikirlerin usynyp otyrmyz.
Sharaǵa Armeniia ókilderi qatysyp osy jyldyń shildesinde Erevanda bolǵan jaǵdailardy júielep berdi.
— Osy qarýlanǵan top Qarabah soǵysyna qatysqandardan quralǵan. Olar Armeniia biligin otstavkaǵa ketýin talap etti. Sebebi, olardyń oiynsha Armeniiada ádildik joq, – dedi Halyqaralyq gýmanitarlyq damý uiymynyń tóraǵasy Arman Gýkasian.
Óz kezeginde saiasattanýshy Edýard Poletaev: «Osy mitingtiń saldarynan úsh politsei qaza tapty.Árine, alańǵa shyqqandardyń ádiletsiz álemnen ádilettilik suraýy nonsens. Alaida munyń ózi «túrli tústi revoliýtsiianyń kórinisi» dedi.
Onyń aitýynsha mundai tóńkeristiń belgileri Ýkrainada erekshe kórindi.
Al sarapshy Aigúl Omarovanyń pikirinshe 2005 jáne 2010 jylǵy Qyrǵyzstandaǵy jaǵdailarda «túrli tústi revoliýtsiiaǵa» jatady.
«Meniń oiymsha keibir dúnieler erte bastan daiyndalady. Alǵash olardan eshkim qaýym kútpeidi. Aitalyq, Qyrǵyzstandaǵy oqiǵalarǵa áielder narazylyǵy qozǵaýshy kúsh boldy. Ainalyp kelgende halyq doly áielderdiń sońynan júrdi» dedi ol.
Halyqaralyq gýmanitarlyq damý uiymy tóraǵasynyńo orynbasary Tsovinar Kostanian óz kezeginde: «Biylǵy jyldyń shildesinde Armeniiada bolǵan oqiǵalarǵa Batystyń áseri boldy. Batysshyl úkimettik emes uiymdar men qoǵamdastyqtar halyqtyń alańǵa shyǵýyna áser etti. Saiyp kelgende Ýkrainadaǵy jaǵdailar qaitalandy» dedi ol.
Al jiynǵa qatysqan ózge sarapshylar «Qazaqstanda saiasi partiialardy sheteldik uiymdar tarapynan qarjylandyrýǵa tyiym salynǵanyn» tilge tiek etti.
