Black hawk túrindegi tikushaqtyń túrik polısıasynyń ıeliginde ekeni habarlanyp otyr. Aldyn ala málimet boıynsha, tikushaq apat sıgnalyn bergen.
Tótenshe jaǵdaı ornyna barǵandardyń málimeti boıynsha ushyp kelgenderdiń Túrkıadaǵy búlikke qatysy bar, olar Grekıada saıası pana suraǵan. Rastalǵan málimetter boıynsha, tikushaq bortynda jeti áskerı bolǵan. Túrik áskerıleriniń sheni jaıly málimet joq, sebebi olar formasyndaǵy shen belgilerin sheship tastaǵan. Bul is Grekıanyń Syrtqy ister mınıstrligine berildi.
Sonymen qatar, telearna tilshileriniń málimetinshe, Túrkıa áskerıler men tikushaqty berýin suraýdy josparlap otyr eken.
Eske salaıyq, 15 shildede Túrkıada áskerıler memlekettik tóńkeris jasaýǵa árekettendi. Atystar týraly birinshi habar Astana ýaqyty boıynsha 01.00-de jetken. Al senbide túrik premeri búlik shyǵarǵandardyń ustalǵanyn málimdedi. Oqıǵanyń hronologıasyn myna jerden oqı alasyzdar.
Derekkózi: tengrinews.kz
