Túrkiia biligi AQSh-ta turatyn oppozitsiialyq dini ýaǵyzdaýshy Fethýllah Gúlendi qamaýǵa order berdi. Stambýl soty ol 15 shildede tóńkeris jasaýǵa buiryq berdi degen qaýly shyǵardy.
Gúlen Túrkiiada bilikti yǵystyrýǵa qandai da bir qatysy baryn joqqa shyǵarady. Ol Túrkiiada ózi basqaratyn uiymnyń tek ǵana qaiyrymdylyq sharalarymen ainalysatynan aitady.
Ankara Gúlendi qaitarýdy talap etedi. Biraq AQSh biligine áli resmi suraý salǵan joq.
Beisenbi kúni Túrkiia prezidenti Rejep Erdoǵan oppozitsionermen bailanysy bar barlyq jekemenshik kompaniialar tabystarynan aiyrylatynyn málimdedi. Erdoǵan Gúlenge qatysy bar barlyq uiymdardy «terrorizmniń uiasy» dep atady.
Túrkiiada memlekettik tóńkeriske qatysy bar dep on myńnan asa adamdy qamaýǵa aldy. 70 myńnan joǵary memlekettik qyzmetker, politsiia jáne áskeri qyzmetkerler jumystarynan qýyldy. Elde tótenshe jaǵdai oryn alǵan. Adam quqyqtary jónindegi Konventsiianyń kúshi ýaqytsha joiyldy.
