Túrksib aýdanynyń kósheleri qarqyndy jóndelýde
Aýdan ákimdigi Álmerek, Qairat jáne Nurshashqan shaǵyn aýdandarynda jol qurylysyn aiaqtaýdy josparlap otyr.
Baqytjan Aqjarovtyń aitýynsha, qazirgi ýaqytta jol infraqurylymyn jaqsartý boiynsha kúrdeli jumystar júrgizilýde – uzyndyǵy 50 km bolatyn jańa joldar salý josparlanýda.
Aýdanda barlyǵy 149 kóshe jóndeldi, onyń 37-si asfalttaldy, 26 kóshede jumys júrgizilýde.
Mysaly, «Qairat» shaǵyn aýdanynda uzyndyǵy 36,6 shaqyrym bolatyn 93 kóshe jóndeletin bolsa, qazirgi ýaqytta 24 kóshede jumys júrgizilýde. Álmerek shaǵyn aýdanynda uzyndyǵy 20,5 shaqyrym bolatyn 51 kóshe jóndeledi, onyń 12-sinde jumys júrgizilýde. «Nurshashqan» shaǵyn aýdanynda uzyndyǵy 16,6 shaqyrym bolatyn 43 kóshege asfalt tóseledi.
Aýdan ákimi biyl uzyndyǵy 15,2 shaqyrym bolatyn 21 kósheni ortasha jóndeý josparlanyp otyrǵanyn qosty. 10 kósheniń jumysy bastaldy: Súiinbai dańǵyly 399, Jansúgirov kóshesiniń qiylysy, Iýnatov kóshesiniń qiylysy, Degdar kóshesi, Maiborodii kóshesi, Tihov kóshesiniń buryshy Hetagýrov, Sobolev 168, 178, Osipenko, Súiinbai 222, Svobodnaia kóshesine shyǵatyn jolmen, Papanina 55 a., b, Svobodnaia 146/7, Jangeldin, Zakarpatskaia, Aibasova, Osenniaia, Egorova, Súiinbai qiylysy, Súiinbai, Buryndai kóshesiniń qiylysy, Bekmahanov pen Taraz kósheleriniń qiylysy.
Sonymen qatar, baǵdarshamnyń jeti nysanyn salý josparlanýda. Búginde olardyń altaýy boiynsha jumys júrgizilýde. Olar Seifýllin-Dýlatov dańǵylynda, Seifýllin-Moldaǵaliev dańǵylynda, Shemiakin Kominternada, Shemiakin-Kojedýb, Papanin-Rýstovelli, Jumabaev-Kassin, Jansúgirov-Velikolýkskii kóshelerinde ornalasqan.
– Shuńqyrlardy jóndeý jumystary erekshe baqylaýda. Jyl basynan beri aýdan kóshelerinde jóndeýdi qajet etetin 245 ýchaske anyqtaldy, olardyń 198-i aiaqtaldy, 47-si jumys ústinde. Jolshylar joldardaǵy buzýshylyqtardy túzetip qana qoimai, sonymen qatar kún saiyn kóshelerde sanitarlyq tazalyq jumystaryn júrgizedi. Aýdanda joldardy jýý, qoqys jinaý jáne shóp shabý jumystarymen úsh merdiger ainalysady, – deidi Baqytjan Aqjarov.
Sondai-aq, aýdan ákimi Buqtyrma-Qulja trakti jolairyǵynyń qurylysy jalǵasyp jatqanyn atap ótti. Jumysty kelesi jyly aiaqtaý josparlanýda.
Baqytjan Aqjarov Túrksib aýdanynyń kósheleri 26 myńnan astam jaryq núktesimen jaryqtandyrylǵanyn aitty. Búginde 614 ýchaskeni jaryqtandyrý boiynsha jumystar aiaqtaldy, 8 463 sham ornatyldy, onyń ishinde Álmerek, Qairat jáne Nurshashqan shaǵyn aýdandarynda. Jaryǵy joq 91 ýchaske qalady.
Sonymen qatar, aýdanda Jansúgirov kósheleri men Qapshaǵai kópiriniń boiynda syrtqy jaryq jelileri jańartyldy. 2021 jyly Lavrenev, Bekmahanov, Aqan seri, Buqtyrma kóshelerindegi, Qulja traktisindegi jaryq jelileri jańarady.
