Boz kilemge beldesýge shyqqan eń talantty túrkistandyq balýandar bul irikteý saiysyna asa joǵary daiyndyqpen kelipti. Biyl eldegi epidemologiialyq jaǵdaiǵa bailanysty jarysta karantindik qatań sharalar saqtalýda. Beldesýde óziniń talantymen kózge túsken túrkistandyq balýan Aidarbek Toqtarbek bas júldege ie boldy. Endi ol biylǵy «Qazaqstan Barysy» respýblikalyq jarysyna joldama alyp, oblys namysyn qorǵaityn bolady.
Bul oblystyq irikteý týrnirinde kúmis júldeger atanǵan maqtaaraldyq Əlibi Jumadillaev ta sheberligin kórsetse, qola júlde Ordabasy aýdanynyń úmiti Bólen Erkinbekke buiyrdy. Jeńimpazdardy Túrkistan oblysynyń dene shynyqtyrý jəne sport basqarmasynyń basshysy Qanat Joldyqaraev marapattap, respýblikalyq jarysta baq synaityn jerlesimizge səttilik tiledi.
Uiymdastyrýshylardyń aitýynsha, Elbasymyzdyń júldesine arnalǵan biylǵy jarysqa shyn talantty balýan qatystyrylýy qajet. Eske sala ketsek, respýblikalyq týrnir 4 shilde kúni Nur-Sultan qalasynda ótedi dep josparlanýda.
