Belarýsten kelgen týrister Túrkistan oblysynda politsiia qyzmetkerleri ózderinen 200 myń teńge talap etkenin málimdedi. Olar bolǵan jaǵdaidy videoǵa túsirip alǵan, dep habarlaidy Dalanews.kz Ulysmedia.kz-ke siltep.
Oqiǵa týristik sapar kezinde bolǵan. Belarýs azamattaryn patrýldik politsiia toqtatyp, olardy kólikteri Qazaqstanda tehnikalyq tekseristen ótpegen jáne beinebaqylaý kameralaryna túsken degen syltaýmen aiyptaǵan. Týristerdiń qatarynda tanymal bloger Aleksandr Gýlko da bolǵan. Onyń aitýynsha, olar jol erejesin buzbaǵandaryn aitqan, alaida tártip saqshylary buǵan naqty dálel keltirmegen. Politseiler aqsha berse, qaitadan toqtatpaimyz dep ýáde etken.
– Qazaqstanǵa alǵash kelgende «mundaǵy jol politsiiasy ońailyqpen jibermeidi» degen eskertý alǵanbyz. Bizdi toqtatqan soń, «ne 200 myń teńge beresińder, ne kólikti tárkileimiz» dedi. Qarsylyq tanytpadyq, aqshany berip, ári qarai júrip kettik, – deidi bloger.
Ishki ister ministrligi bul jaitqa qatysty videony áleýmettik jelilerden kórgenin rastady. Qazirgi tańda bul fakti boiynsha qylmystyq is qozǵalyp, oqiǵaǵa qatysy bar politsiia bólimi basshylyǵyna qyzmettik tekseris bastalǵan.
Resmi málimdemede týrister tarapynan ázirge eshqandai resmi shaǵym túspegeni jáne kólikke qatysty tirkeý derekteri anyqtalmaǵany atap ótildi.
