Túrkistandyq aqyn temir tulpar mindi
Tarihy tereń, Túrkistan qalasynda Táýelsizdigimizdiń 30 jyldyǵy jáne Túrkistan oblysynyń qurylǵanyna 3 jyl tolýyna orai alǵash ret ótkizilgen eki kúnge sozylǵan alaman aitys óz máresine jetti, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Finaldyq kezeńge shyqqan 10 aqyn bes jup bolyp sóz saiysynyń kórkin qyzdyrdy. Alǵashqy bolyp sahnaǵa shyqqan Sh.Sezimhan men A.Qaliev sóz saiystyrdy. A.Shuǵataev pen S.Áýezhan túrlengen Túrkistandy jyrǵa arqaý etip, kópshilikke keremet kóńil syilady. Úshinshi jupta A.Japparqulova men M.Sultanhan ózara myqtyny anyqtady. Al J.Mýsina men T.Jamanov aitystaǵy aǵa men qaryndas syilastyǵynyń úlgisin kórsetti. Aitys kórkin besinshi jup bolyp shyqqan túrkistandyq D.Aqsaqalov pen syr súleii M.Niiazov búgingi aitystyń bas júldesine laiyqty óner kórsetti.
Aitys qoryndysyna sai, A.Almatov pen Á.Qalybekova bastaǵan qazylar toby 15 minýttyq úzilis alyp, júldegerlerdi anyqtady. Nátijesinde «Túrlengen, gúldengen Túrkistan» atty respýblikalyq aitysyna qatysqany úshin Túrkistan oblysy ákimdigi men «NurOtan» partiiasynyń arnaiy júldesi A.Japparqulova men S.Áýezhanǵa buiyrdy. Ony «NurOtan» partiiasy Túrkistan oblystyq filialy tóraǵasynyń birinshi orynbasary B.Tájibaev tabystady. Sondai-aq, qyzyljarlyq J.Juparhanǵa Kópbai Omarov atyndaǵy júlde, Orynbai Taimanov atyndaǵy júlde mańǵystaýlyq A.Jolmaǵambetovke, Táýshen Ábýova atyndaǵy júlde tarazdyq Q.Myrzahanǵa, Qanybek Sarybaev atyndaǵy júlde atyraýlyq Sh.Izbasarovqa, Qulynshaq Kemeluly atyndaǵy júlde túrkistandyq T.Tileýliev, Nysanbek Ainabekov atyndaǵy júlde shymkenttik B.Baitýovqa buiyrdy.
Úshinshi oryn tórt birdei aqynǵa buiyrdy. Olar: Aibek Qaliev, Tólegen Jamanov. Meiirbek Sultanhan, Shuǵaiyp Sezimhan. Oramdy oi men ótkir ázil aityp, túrkistandyq kórermenderdi tánti qylǵan oraldyq Jansaia Mýsina men baianaýyldyq Aspanbek Shuǵataev júldeli ekinshi orynnan kórindi. Al finaldyq kezeńde tartysty aitys ónerin kórsetken syr súleii atanǵan Muqtar Niiazov júldeli 1-oryndy qanjyǵasyna bailady. Búgingi aitystyń kórkin qyzdyryp, oblys namysyn qorǵaǵan jas aqyn Dáýren Aqsaqalov respýblikalyq aitystyń bas júldesine laiyqty dep tanyldy. Bas júlde iegerine oblys ákimi Ómirzaq Shókeev temir tulpardyń kiltin tabys etip, aityskerlerge shynaiy alǵysyn bildirdi,
«Qazaq rýhaniiatynda aitystyń orny erekshe. Búgingi alaman aitysta baǵy janǵan aqyndardy quttyqtaimyn. Bul Túrkistanda ótip jatqan aitystyń sońǵysy emes. Aldaǵy ýaqytta aitysty dástúrli túrde ótkizýge bar jaǵdaidy jasaityn bolamyz. Táýelsizdigimiz máńgilik bolyp, aitys ónerimiz asqaqtai bersin», - dedi Ómirzaq Estaiúly.
Sondai-aq, óńir basshysy biyl mereili 70 jasqa tolyp jatqan halyq aqyny, «Parasat» ordeniniń iegeri Áselhan Qalybekovany arnaiy qutttyqtap, syi-syiapat jasady.
