Atap aitqanda, Túrkistan oblysynyń ekonomikasyn kóterýde ǵaryshtyq tehnologiialardy qoldanýdyń múmkindikteri saralandy.
Qazaq ǵaryshkeri Aidyn Aiymbetov qazirgi tańda memleketterdiń damýynda ǵarysh salasynyń yqpaly zor ekenine toqtalyp, ol múmkindikti tiimdi paidalanýǵa bolatynyn jetkizdi.
Oblys ákiminiń orynbasary Ulan Tájibaev Túrkistan óńirin damytý baǵytynda ǵylymnyń jetistigin negizge alý kezek kúttirmes másele ekenin aitty.
Kezdesý nátijesinde "Qazaqstan ǵarysh sapary" UK" AQ men Túrkistan oblysy ákimdigi arasynda memorandýmǵa qol qoiyldy. "Qazaqstan ǵarysh sapary" UK" AQ men Túrkistan oblysy ákimdiginiń Sitýatsiialyq ortalyǵynyń birlesken jobalary úshin arnaiy aqparattyq top qurylatyn boldy.
Ol topqa tótenshe jaǵdailar, aýyl sharýashylyǵy salalarynyń ókilderi qosylady. Ǵaryshtyq monitoring arqyly óńirdegi jerdiń maqsatty paidalanylyp jatqany nemese paidalanylmaǵany da ekshelmek.
Sonymen birge Túrkistan oblysyndaǵy birqatar basqarma men departament mamandary ǵaryshtyq monitoring jasaý jáne óńirge paidaly naqty sheshimderdi taldaý jáne shyǵarýdy meńgerý úshin arnaiy bilim almaq. Olardy "Qazaqstan ǵarysh sapary" UK" AQ-nyń bilikti mamandary oqytyp, keńes beredi. "Qazaqstan ǵarysh sapary" UK" AQ men Túrkistan oblysy ákimdigi arasyndaǵy áriptestikti nyǵaitý, josparlardy júzege asyrý boiynsha 2021 jyldyń sońyna deiin jol kartasy ázirlenedi.
