Túrkistandaǵy indýstrialdy aimaqta 14 joba júzege asady
Sondai-aq, óńirde túie sútin óńdeitin «Golden Camel Group LTD» birlesken qazaq-qytai kásiporny aǵymdaǵy jyldyń tamyz aiynda iske qosylmaq. Bul – túie sharýashylyǵyn damytýǵa erekshe serpin beretin joba. Kásiporyn túie sútinen túrli ónimder jasap, 7 túrli energetikalyq sýsyn shyǵaratyn bolady.
– 2018 jyldyń qańtar-naýryz aiynda indýstrialdy aimaqtaǵy kásiporyndardyń óndirgen ónim kólemi 343,3 mln. teńgeni qurap, jalpy ónerkásip ónim kóleminde úlesi 7,9 paiyzdy qurady. Aǵymdaǵy jyldyń 3 aiynda ónerkásip ónim kólemi 4 331,2 mln. teńgege jetip otyr, – dedi Tájibek Qalmanuly.
Budan bólek, Údemeli indýstrialdy-innovatsiialyq damý baǵdarlamasy aiasynda 2010-2017 jyldary jalpy quny 3203 mlrd. teńgeni quraityn 15 joba iske qosylyp, 753 jumys orny ashylǵan. Óndirilgen ónim kólemi 424,8 mln. teńge.
Sondai-aq, saýda-logistikalyq ortalyǵyn salýǵa jalpy alańy 20 gektar jer telimi bólinip, memlekettik akti alynypty. Ortalyqtyń qurylysyna 237 mln. teńge bólingen. Onda jobalyq quny 4792 mln. teńgeni quraityn 10 jobany ornalastyrý josparlanyp otyr.
OQO ákiminiń baspasóz qyzmeti
https://dalanews.kz/30278
