Túrkistandy týrısik ortalyqqa aınaldyrýda qalanyń qonaqtar úshin qolaıly, yńǵaıly bolǵany mańyzdy.
Osy maqsatta jaqynda Túrkistan qalasynda «aqyldy» oryndyqtar ornatyla bastady. Árqaısysy 170 myń teńge turatyn, 9 smart oryndyq shahardaǵy halyq kóp júretin rámizder alańy men Esimhan alańyndaǵy arbatqa jáne «Parasat» saıabaǵyna qoıyldy.
Bulardyń ereksheligi sonda eshqandaı elektr energıasyn qoldanbaı-aq, USB kabeli arqyly uıaly telefonyńyzdy qýattap alýǵa bolady.
«Sıfrlyq Qazaqstan» baǵdarlamasy aıasynda ornatylǵan smart-oryndyqtar jergilikti búdjetke de salmaq salmaıdy, sebebi kúnnen qýat alady. Mamandardyń aıtýynsha, jergilikti turǵyndar kútip ustasa, 15 jyldaı paıdalanýǵa bolady. Budan bólek mundaı oryndyqtar jaılylyqqa úırengen sheteldik qonaqtar úshin de tıimdi bolmaq.
Jobany jasap shyǵarǵan talantty ınjener-tehnolog Azamat Altaevtyń aıtýynsha aldaǵy ýaqytta qalada mundaı oryndyqtardy sany kóbeıe túsetin bolady.
«Bul arada barlyǵy da turǵyndar mádenıetine baılanysty. Oryndyqqa otyrsyn, al janyndaǵy kúnnen energıa alatyn paneldiń ústine otyrmaýyn suraımyz turǵyndardan. Sebebi, negizgi tehnologıa sol araǵa jınaqtalǵan. Uqyptylyq pen tártippen ustasa deımiz, sebebi bul da arzan dúnıe emes», – deıdi ol.
