Jıynǵa Túrkistan oblystyq din isteri basqarmasynyń basshysy Rústem Sabyrjanuly jetekshilik jasap, júrgizip otyrdy. Kezdesýde el birligin saqtaý, dinaralyq qarym-qatynastardy nyǵaıtý máseleleri talqylandy.
– Sizderdi 18 qazan – Rýhanı kelisim kúni merekesimen shyn júrekten quttyqtaımyn! Rýhanı kelisim kúni ózderińizben keleli keńes quryp, pikir almasýdy jón kórdik. Din – saıasattan bólek, memleketten beıtarap bolǵanmen, rýhanı qundylyq retinde ajyraı almaıdy. Elimizde dinı konfesıa ókilderiniń bir shańyraqtyń astynda aýyzbirlikte ómir súrýi memlekettiń damýyna oń áser etedi, – dedi basqarma basshysy.
Kezdesý barysynda Qazaqstan musylmandary dinı basqarmasynyń Túrkistan oblysy boıynsha ókil ımamy Qaraqulov Erkebulan, «Shymkent eparhıasynyń Túrkistan qalasyndaǵy Sváto-Nıkolskıı prıhody» jergilikti pravoslavıelik dinı birlestiginiń jetekshisi Smolánov Vıtalıı jáne basqa da din ókilderi sóz sóıledi. Sonymen birge oblystyq máslıhat depýtaty Almas Salımov te sóz sóılep, pikirin bildirdi.
Kezdesý sońynda dinı konfesıalar jetekshilerine merekege oraı alǵys hattar men syılyqtar berildi.
