Túrkistan qalasynda «Yntymaq úıi» óz jumysyn bastady. Úkmettik emes uıymdardy biriktirgen ortalyqta Túrkistan oblystyq aqsaqaldar alqasy, qalalyq áıelder keńesi, qalalyq qoǵamdyq kelisim keńesi, sonymen qatar ata-analar men pedagogtar komıteti jaıǵasty. Ǵımarat «Jeńis» saıabaǵynda ornalasqan, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jalpy, Túrkistan qalasynda Úkimettik emes 21 uıym bar. Oblystyq aqsaqaldar alqasynyń atynan sóz alǵan Jarylqasyn Áziretbergenov, áıelder keńesinen Uljan Ábenqyzy qoǵamdyq belsendiligi joǵary uıymdardy bir shańyraqtyń astyna jınaýdyń mańyzdylyǵyn aıtyp, el ıgiligi jolynda birlese kótergen júktiń jeńil bolatynyn tilge tıek etti.

Túrkistan qalasynda jyl basynan beri 1437 neke qıylsa, 49 shańyraq shaıqalǵan. Sonymen qatar, 8 aıda 666 qylmystyq quqyq buzýshylyq deregi tirkelgen. «Yntymaq úıindegi» alǵashqy jıynda osy taqyryp tóńireginde oı bólisken uıymdar qoǵamdaǵy keleńsizdikterdiń aldyn alý boıynsha ortaq jospar túzip, jumys júrgizýge kelisti.