Túrkistanda Qarýly Kúshter salasynyń ardagerlerine qurmet kórsetildi
Atalmysh shara «Qarýly Kúshteriniń ardagerleri» respýblikalyq qoǵamdyq birlestiginiń Túrkistan oblystyq filialynyń tóraǵasy zapastaǵy podpolkovnik B.T.Aldabergenovtyń bastamasymen júzege asty. Sonymen qatar, oblystyq qorǵanys isteri jónindegi departamentiniń jeke quramy jáne «Jas sarbaz» áskeri-patriottyq klýbynyń músheleri osy sharanyń joǵary deńgeide ótýine óz úlesterin qosty.
Jiyn barysynda birneshe ardagerlerge QR Qorǵanys ministriniń, QR QK Bas shtaby bastyǵynyń "Alǵys haty" tabystaldy. Sondai-aq, merekelik medaldarmen «Qurmet gramotalary» tabys etildi.
– Ardagerlerimiz zeinette júrse de, Qarýly Kúshterdiń damýy men órkendeýine óz úlesterin qosyp, áskeri ardagerlerdiń quqyqtary men múddelerin qorǵaýda. Jastarymyzǵa patriottyq tárbie berý jolynda aianbai eńbek etip keledi. Ardagerlerge qurmet kórsetý bizdiń jáne óskeleń urpaqtyń mindeti, – deidi filialdyń tóraǵasy, B. Aldabergenov.
Sharaǵa qatysqan oblys ákiminiń orynbasary Rashid Aiýpov Otan aldyndaǵy azamattyq boryshyna adal bolǵan azamattarǵa qandai qurmet kórsetilse de jarasatynyn aitty.
Shara sońy Túrkistan mádeniet úiiniń ónerpazdarynyń kontserttik baǵdarlamasymen jalǵasty.
Jalpy, búgingi tańda oblysta 300-ge jýyq áskeri ardager bar.
