Halyqaralyq sharany Ońtústik Qazaqstan oblysynyń mádeniet basqarmasynyń basshysy Nurbolat Ahmetjanov pen Túrkistan qalasynyń ákimi Álipbek Óserbaev ashyp berdi.
Festival – túrkitildes ulttar arasyndaǵy baýyrlastyq bailanystar men dostyqty nyǵaitý, túrki elderiniń ulttyq operalaryn jańǵyrta otyryp birligin nyǵaitý, túrki elderiniń qazirgi zaman opera óneriniń jarqyn ókilderin tanystyryp, olardyń shyǵarmashylyǵyn keńinen nasihattaý maqsatynda uiymdastyryldy.
Festivaldiń bas dirijeri - Qazaqstannyń Eńbek sińirgen qairatkeri, Abai atyndaǵy Qazaq memlekettik akademiialyq opera jáne balet teatrynyń direktory jáne kórkemdik jetekshisi – Asqar Bóribaev. Sonymen qatar, festivalge Qaraqalpaqstannyń Halyq ártisi, Ózbekstandaǵy A.Navoi atyndaǵy memlekettik akademiialyq opera jáne balet teatrynyń dirijeri Aida Abdýllaeva jáne Ońtústik Qazaqstan oblystyq opera jáne balet teatrynyń bas dirijeri Qýanysh Ismailov qatysty.
XX-shy TÚRKSOI Halyqaralyq Opera juldyzdarynyń festivalinde Túrkiia, Qyrǵyzstan, Ózbekstan, Qaraqalpaqstan memleketteriniń jáne Astana, Almaty, Shymkent qalalarynyń opera juldyzdary óner kórsetýde. Atap aitqanda, Qyrǵyzstannyń Eńbek sińirgen ártisi Ásel Bekbaeva, Qaraqalpaqstannyń Eńbek sińirgen ártisi Jeńisbek Piiazov, Túrkiia memleketinen Halyqaralyq baiqaýlardyń laýreaty Chaner Akgiýn, Ózbekstannan Halyqaralyq baiqaýlardyń laýreaty Nemat Habibov, Astana Opera teatrynyń solisti, QR Eńbek sińirgen qairatkeri Jan Tapin, Almaty qalasyndaǵy Abai atyndaǵy Qazaq memlekettik akademiialyq opera jáne balet teatrynyń jetekshi solisteri, QR Memlekettik syilyǵynyń iegeri Talǵat Kúzembaev, QR Eńbek sińirgen qairatkerleri Gúlzat Dáýirbaeva jáne Bolat Bókenov, oblystyq opera jáne balet teatrynyń jetekshi solisteri QR Mádeniet qairatkeri Úralhan Seilbekova, Halyqaralyq baiqaýlardyń laýreattary Gúljan Rasqalieva, Marat Orazmetov, Erlan Jandarbai, Mádihan Dúiseev, Jumabek Qańtarbaev, Qarakóz Abdýsharipova, Aidos Imanjapparov, Qarlyǵa Berdiiar kópshilikke óner tartýyn arnady.
OQO ákiminiń baspasóz qyzmeti
