Búgin Túrkistan qalasyndaǵy «Uly Dala Eli» ortalyǵynda «Azamattyq qoǵam – turaqtylyq pen birliktiń kepili» taqyrybynda seminar ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap..
Seminardy ashqan oblys ákiminiń orynbasary Ertai Altaev bul seminardyń birlikti nyǵaitýda mańyzy erekshe ekenin aita kele Memleket basshysynyń QHA sessiiasynda bergen tapsyrmalarynyń oryndalý barysyna, aldaǵy atqarar maqsat-mindetterge toqtaldy.
Keleli keńeste óńirdegi qoǵamdyq-saiasi jáne etnosaralyq ahýal boiynsha atqarylǵan jumystar saralanyp, qoǵamdyq kelisimdi nyǵaitý, mediatsiiany damytý jaiy talqylandy.
Jiynǵa QR Prezidenti Ákimshiliginiń Qazaqstan halqy Assambleiasy hatshylyǵy meńgerýshisiniń orynbasary Ǵalymjan Mahan, QR Mádeniet jáne aqparat ministrligi Etnosaralyq qatynastardy damytý komitetiniń tóraǵasy Ǵalym Shoikin, sondai-aq Túrkistan oblysy prokýrorynyń orynbasary, QR UQK Túrkistan oblysy boiynsha Departamenti basshysynyń orynbasary, Túrkistan oblystyq Politsiia departamenti basshysynyń orynbasary, aýdan, qala prokýrorlary qatysty. Budan bólek, QR UQK Túrkistan oblysy boiynsha Departamenti aýdandyq, qalalyq bólimderiniń jáne aýdandyq, qalalyq Politsiia bólimderiniń basshylary, aýdan, qala ákimderiniń orynbasarlary, ishki saiasat bólimderiniń basshylary, aýdan, qalalardaǵy etnos ókilderi tyǵyz ornalasqan aýyl okrýgteri ákimderi, ýchaskelik politsiia inspektorlary jáne «Qoǵamdyq kelisim» KMM-niń aýdandyq, qalalyq filialdarynyń basshylary qatysty.
Alqaly jiynda sóz alǵan Ǵalym Nurmaǵambetuly elimizdegi etnosaralyq alaýyzdyqtyń aldyn alý jumystaryna, Assambleianyń eldi biriktirýshi retindegi róline toqtaldy.
– El tynyshtyqta ǵana gúldenedi, damidy. Bul rette, qoǵamnyń birligi men yntymaǵyn saqtaý – basty mindet. Búginde 2 millionnan astam turǵyny bar Túrkistan oblysynda 50-den asa etnos ókilderi kieli shańyraq astynda tatý-tátti yntymaqta ómir súrip keledi. Oblysta memlekettik tildi meńgergen etnos ókilderi de az emes, bul turǵyda másele joq deýge bolady. Degenmen etnosaralyq faktordy saiasilandyrýǵa jáne bul máselede arandatýshylyq sipattaǵy talqylaýlarǵa múlde jol bermeý baǵytynda jumystardy kúsheitý mańyzdy. Qazir aqparat dáýiri, kóp azamattar, ásirese jastar aqparatty áleýmettik jeli arqyly alyp otyr. Osy oraida, feik aqparattarmen kúres jumystaryna saqtyqpen qaraýymyz kerek, – dedi Ǵalym Nurmaǵambetuly.
Birlikke úndegen basqosý ary qarai suraq-jaýap túrinde órbip, seminarǵa qatysýshylar ózekti máseleler tóńireginde pikir almasty. Bul oraida «Parasat» mediatsiia jáne quqyq ortalyǵynyń sarapshy-konfliktology Salamat Jumaǵulov, Qoldanbaly etnosaiasi zertteýler institýty Qoldanbaly zertteýler ortalyǵynyń direktory Ǵali Dinmuhammed túrli saýaldarǵa tushymdy jaýap berdi.
Seminarǵa qatysýshylar pikir almasyp, usynys-pikirlerin ortaǵa saldy. Jiyndy qorytyndylaǵan oblys ákiminiń orynbasary Ertai Kenjebekuly alda turǵan birqatar mindetterdi aita kele, óńirimizde etnosaralyq kelisimdi saqtaý, jas urpaqty patriotizmge tárbieleý isinde kúsh biriktire otyryp jumys isteýge senim bildirdi.
Eske sala ketsek, búginde óńirdegi QHA janynda 11 etnomádeni birlestik pen 6 qurylym jumys isteidi. Etnos ókilderiniń 92 paiyzy memlekettik tildi jetik meńgergen.
