Túrkistan týrizmine oń serpin: Ortalyq Aziianyń biryńǵai vizasy iske qosylady
Bul týraly tilshilermen kezdesý barysynda Ózbekstan Respýblikasy Memlekettik týrizm komiteti tóraǵasynyń birinshi orynbasarynyń mindetin atqarýshy Ulyqbek Qasymqojaev málim etti.
Onyń aitýynsha, viza Ortalyq Aziia aimaǵyna sheteldik týristerdi birlesip tartý jáne bul marshrýtty áigileý úshin engizilip otyr. Aldyn ala boljamǵa sáikes, «Silk visa» óz jumysyn aldaǵy jyldyń aqpan aiynda bastaidy.
«Bizdiń baǵalaýymyzsha, bul qyzmet 2019 jyldyń aqpanynda iske qosylady. «Silk visa» jobasy eki eldiń vedomstvolarynda kelisilgen. Endi onyń tehnikalyq tusyn jáne jabdyqtaryn kelisý máseleleri qalyp otyr», — dedi U.Qasymqojaev.
Ol sondai-aq birlesken vizaǵa Qyrǵyzstan men Tájikstan qyzyǵýshylyq tanytyp otyrǵanyn atap ótti. Bul rette, qazaqstandyq tarap bul jobaǵa Ázerbaijan men Túrkiia elderin tartpaq.
Eske sala keteiik, biylǵy jyldyń maýsym aiynda QR Senatynyń Halyqaralyq qatynastar, qorǵanys jáne qaýipsizdik komitetiniń tóraiymy Dariǵa Nazarbaeva Ortalyq Aziianyń biryńǵai vizasyn engizýdi usyndy.
Aita ketelik budan buryn Túrkistan oblysy Ózbekstannyń úsh oblysymen memorandým jasasqan edi.
"Bizdiń oblysta jumys isteýge nietti ózbek kompaniialaryna barynsha qoldaý kórsetetinimizdi aitqym keledi", - degen bolatyn Janseiit Túimebaev.
