Túrkistan óńirinde óndiris oryndaryn ashý, investitsiia tartýǵa basymdyq berilgen. Mańyzdy jobalar júzege asýda, dep habarlaidy Dalanews.kz.
Búgin Ordabasy aýdanynda jańa zaýyttyń kapsýlasyn salý rásimi ótti. Oǵan oblys ákimi Darhan Satybaldy arnaiy qatysty. Aýdandaǵy "CENTRAL ASIA ALUMINUM" zaýytynyń qurylys alańynda bolǵan oblys ákimi aliýminii profilderin óndirý jobasynyń júzege asyrylý barysyn kórdi. Investormen kezdesip, pikir almasty. Jańa zaýyt qurylys jumysy aiaqtalǵan soń kelesi jyly alǵashqy ónimin shyǵarýdy josparlap otyr.
"Investitsiialyq jobalarǵa turaqty qoldaý kórsetiledi. Eshqandai kedergi joq. Jumys oryndaryn ashý – mańyzdy is. Bul zaýyt ta óńir ekonomikasynyń damýyna úles qosady dep senemin", – dedi Darhan Satybaldy.
Aliýminii profilderin shyǵaratyn zaýyttyń qurylysy bastalyp ketti. Jer jumystary júrýde. 2025 jyldyń I toqsanynda jobanyń birinshi kezeńi iske qosylyp, 180 adam jumyspen qamtylady. Al II kezeńinde 150 adam jumysqa shaqyrylmaq. Jalpy 7,5 mlrd. teńge investitsiia tartylady. Ár kezeńde 10 myń tonnadan ónim óndiriledi dep kútilip otyr.
Túrkistan oblysynda kásiporyndar ashý, investitsiia tartý, jańa jobalardy súiemeldeý baǵytyndaǵy jumystar jalǵasady.
Elimiz boiynsha bilim nysany eń kóp salynyp jatqan óńir – Túrkistan. Búginde jergilikti biýdjetten 20 mekteptiń qurylysy júrgizilýde. Jyl sońyna deiin 13-i paidalanýǵa beriledi. 2023-2025 jyldary "Jaily mektep" jobasy aiasynda 63 mektep salý kózdelgen. Onyń ishinde 29-y biyl tapsyrylady dep josparlanǵan.
Oblys ákimi Darhan Satybaldy jumys sapary aiasynda Ordabasy aýdanyna qarasty Aqbulaq eldi mekenindegi «Jaily mektep» jobasy aiasynda salynyp jatqan 300 oryndyq bilim oshaǵynyń qurylys alańyna bardy.
Merdiger mekemeniń ókilderimen kezdesip, qurylysqa qatysty týyndaǵan máselelerdi talqylady. Óńir basshysy bilim sapasyn kóterý, mektep tapshylyǵyn joiý mańyzdy ekenin aityp, jaýapkershilikpen jumys isteýdi mindettedi.
Joba quny 4,1 mlrd teńgeni quraityn bilim oshaǵynyń qurylysy ótken jyldyń qyrkúiek aiynda bastalyp, biyl aiaqtaý kózdelip otyr. Tapsyrys berýshi – AO "Samruk-Kazyna Construction". Nysannyń bas merdigeri – "Ar Kua Group" JShS bolsa, bas joblaýshysy – "Jer Group" JShS. Ǵimarattyń aýdany – 5 921,9 sharshy metr, jerdiń jalpy aýdany – 2,325 gektar. Bul bilim ordasynda balalardyń sapaly bilim alýyna barlyq jaǵdai jasalady.
Túrkistan óńirinde turǵyndardy baspanamen qamtý jumystary qarqyndy. Darhan Satybaldy Ordabasy aýdany, Qajymuqan aýyl okrýgi, Temirlan eldi mekenindegi 1 qabatty, 2 pəterli 6 turǵyn úidiń qurylysymen, qazirgi jai-kúiimen tanysty.
Úilerdiń qurylysy ótken jyly bastalyp, biyl aiaqtalǵan. Jalpy alańy – 750 sharshy metr bolsa, 1 úidiń aýmaǵy – 62,5 sharshy metr.
