Oblys ákimi Darhan Satybaldy jańa avtobýstardyń kiltin tapsyryp, kópshilikti qýanyshty sátpen quttyqtady. Balalardyń qaýipsizdigi, sapaly bilim alýy oblys ákimdiginiń basty nazarynda ekenin jetkizdi.
– Aldymen barshańyzdy Naýryz merekesimen shyn júrekten quttyqtaimyn. Bilim salasyn damytýda Túrkistan oblysynda aýqymdy jumys atqarylýda. Jýyrda ǵana óńirde 1 myńynshy mektep ashyldy. Oblysta bilim uialary tapshylyǵyn joiý baǵytynda jumys jalǵasady.
«Jaily mektep» jobasy aiasynda 60-tan astam bilim uiasy salynady. «Balalar jyly» aiasynda zaman talaptaryna sai avtobýstardyń 101-i Túrkistan oblysynyń balalaryna bólindi. Búgin sol avtobýstardyń 71-i el igiligine tapsyryldy. Turǵyndarmen kezdesýlerde de osy másele kóteriletin. Ótinishter oryndaldy. Ásirese, óńirimizdiń taýly aimaqtary men shalǵai eldi mekenderi bar aýdandarynda qaýipsiz tasymal máseleleri sheshiledi.
Endigi kezekte oqý sapasyn arttyrýǵa basymdyq berý kerek. Bilimdi urpaq qana ádiletti qoǵamdy ornata alady. Bul rette bilim salasyndaǵy jemqorlyqpen kúresti kúsheitken jón. Jaýapty organ basshylaryna da usynys berildi. Qoǵamnyń bul dertimen ózim bastap kúresemin jáne jaýapty basqarmaǵa, bilim bólimi basshylaryna da ádildikti saqtaýdy tapsyramyn. Jańa avtobýstar oqýshylarymyzdyń igiligi úshin qyzmet etsin! – dedi Darhan Satybaldy.
«Balalardy tasymaldaýǵa arnalǵan avtobýstardy satyp alý» investitsiialyq jobasy aiasynda 2022 jyly Túrkistan oblysyna qajetti 101 mektep avtobýsyn lizing tásilimen alý úshin «Ónerkásipti damytý qory» aktsionerlik qoǵamymen kelisimshart jasalǵan.
Bul avtobýstar oblystaǵy tasymaldanyp oqytylatyn 56 aýyl men bastaýysh synyptary ǵana bar 124 eldi mekendegi 15 myńnan astam balany tasymaldaidy. Buǵan deiin balalardy merdigerler esebinen – 169 avtokólik jáne mektep balanysyndaǵy 19 kólik tasymaldap kelgen edi.
Qoldanysqa berilgen 101 avtobýstyń 71-i 20 oryndyq bolsa, 30-y – 38 oryndyq. Jańa avtobýstar qaýipsizdik
[sociallocker id=58353][/sociallocker]beldikterimen, oqý sómkesine arnalǵan sórelermen, esikteri ashyq kezde qozǵalysty tejeitin mehanizmmen jáne taǵy da basqa qaýipsizdik quraldarymen jabdyqtalǵan. Yńǵaily ári yqsham qoǵamdyq kólikter aýdandardaǵy tasymaldanatyn oqýshylar sanyna sáikes úlestirildi. Eń kóp avtobýs Keles, Tólebi, Sairam, Ordabasy, Saryaǵash jáne Túlkibas aýdandaryna joldandy.
