Túrkistan oblysynyń ákimi Darhan Satybaldy geografiia pániniń muǵalimi Arǵyn Bastamige kólik syilady. Jergilikti ustazdyń shákirti Islam Ábdirahmanov 42 elden shaqyrtý alǵan, dep habarlaidy Dalanews.kz.
Ustazdar merekesine orai Túrkistanda “Ustazyma myń alǵys!” atty saltanatty is-sharasy ótti. Merekelik jiynǵa aimaq basshysy Darhan Amangeldiuly Satybaldy qatysyp, bilim salasynda aianbai eńbek etken barsha ustazdar qaýymyn kásibi merekesimen quttyqtady.
Qurmetti ustazdar! Barshańyzdyń otbasylaryńyzǵa – amandyq, denderińizge –saýlyq, eńbekterińizge tabys tileimin. Mereke qutty bolsyn! Ustaz – jai bilim beretin mamandyq iesi emes. Ol – ekinshi ata-ana, tárbieniń de qainar kózi. Bárimiz de ustazdarǵa qaryzdarmyz. Sondyqtan ulaǵatty ustazdardyń aldynda barlyq adam qurmetpen bas iedi, – dedi oblys ákimi.
Óńir basshysy respýblikalyq, oblystyq olimpiada jáne sport jarystarynyń jeńimpazdaryn daiyndaǵan 30 muǵalimge óz atynan marapat usynyp, arnaiy syilyqtar tabystady. Onyń ishinde 10 ustaz “Y.Altynsarin” tósbelgisi men 20 pedagog “Qurmet gramotasyn” alyp, 200 myń teńge kóleminde aqshalai syiaqymen yntalandyryldy.
Sondai-aq, kópti tańqaldyrǵan keshtiń kýlminatsiia tosynsyimen jalǵasty.
Darhan Amangeldiuly shákirti 42 elden shaqyrtý alǵan “Túrkistan Bilim-innovatsiia” litseiiniń geografiia pániniń muǵalimi Arǵyn Bastami oblys atyn elimizden bólek, álemge tanytqan eren eńbegi úshin kólik kiltin tabystady.
Bilim basqarmasynyń málimetinshe, budan bólek oblys ákimi oqýshylary respýblikalyq olimpiadanyń jeńimpazdary, ózi isker, belsendi, oblystyq, respýblikalyq baiqaýlardyń júldegeri Tólebi aýdany, Qosan Mamytov atyndaǵy mektebiniń biologiia pániniń muǵalimi, 6 balanyń anasy Nurilla Baimahanqyzyna noýtbýk syilady.
