Osy oraida búgin Táýelsizdik kúni qarsańynda Tólebi aýdanynda Shomshaqty jalpy orta mektebiniń jańa ǵimaraty ashyldy. Mektepte 220 oqýshy eki aýysymda bilim alady.
Al Keles aýdanyndaǵy №46 Abai atyndaǵy jalpy bilim beretin mekteptiń 300 oryndyq qosymsha jańa ǵimaraty paidalanýǵa berildi. Sondai-aq, Ordabasy aýdanyndaǵy Shubar aýyl okrýgi, Aqqoily eldi mekeninde 100 oryndyq jalpy orta mektebi qoldanysqa berildi. Sonymen qatar, Saryaǵash aýdany Qurkeles aýyldyq okrýginiń Nurly jol eldi mekenindegi №50 A.Omarov atyndaǵy 300 oryndyq mekteptiń jańa ǵimaraty ashyldy. Búgingi tańda, 300 oqýshyǵa arnalǵan mektepte oqýshylardyń alańsyz bilim alýyna qolaily jaǵdai jasalǵan.
Táýelsizdik qarsańynda Sairam aýdany, Aqbulaq aýylynda eki qabatty mádeniet úii ashyldy. Qazirgi tańda aýdan boiynsha osymen 11 mádeniet úii bar. Budan bólek, Qazyǵurt aýdany Shanaq eldi mekeninde 200 oryndyq mádeniet úii el igiligine berildi. Aldaǵy ýaqytta atalǵan ǵimaratta kitaphana men mádeni úiirmeler jumys isteitin bolady. Jalpy Túrkistan oblysynda biyl 14 mádeniet nysanyn paidalanýǵa berý josparlanǵan. Sonyń ishinde buǵan deiin 1 kitaphana men 9 mádeniet úii tapsyrylsa, jyl sońyna deiin Maqtaaral jáne Qazyǵurt, Shardara aýdandarynda 4 mádeniet úii ashylady.
