Atap aitqanda, táýelsizdik alǵan jyldan beri salystyrǵanda iri qara mal basy 2,5 ese, usaq mal basy 12 %-ǵa, jylqy 4 esege, túie 2 esege artty.
Alaida biylǵy qýańshylyq batys óńirlerimen qatar, Túrkistan oblysy Saryaǵash, Keles aýdandarynyń alqaptaryna da keri áserin tigizip, tabiǵi shóp bitik shyqpady. Bul jaǵdai mal azyǵyna suranysty arttyryp, alyp-satarlar arqyly baǵa kóterildi.
Oblystyq aýyl sharýashylyǵy basqarmasy tarapynan 2021 jyldyń 10 aiynda aýyl sharýashylyǵy janýarlarynyń analyq basyna Saryaǵash aýdany boiynsha 112 aýyl sharýashylyǵy taýaryn óndirýshilerge 170 606,5 myń teńge, Keles aýdany boiynsha 106 AShTÓ-ge 233 164,5 myń teńge memlekettik qoldaý qarjy (sýbsidiia) berildi.
Sonymen qatar Saryaǵash, Keles aýdandarynyń mal sharýashylyǵymen ainalysatyn fermerlerdi qoldaý maqsatynda Túrkistan oblystyq aýyl sharýashylyǵy basqarmasynyń bastamasymen mal azyǵyn satyp alý shyǵyndaryn azaitý úshin tómen paiyzdy mólsherlememen qarjy uiymdary arqyly nesie berý tetikteri qarastyryldy.
9 qarashada oblystyq aýyl sharýashylyǵy basqarmasy basshysynyń orynbasary Nurjigit Nazarbekuly jáne «Yrys» MQU» JShS, «Ońtústik» AIO» JShS basshylary bastaǵan top Saryaǵash aýdany, Álimtaý aýyl okrýgine nesie alýǵa niet bildirgen Álimtaý, Jambyl, Bozai aýyldyq okrýgteriniń 100-ge jýyq sharýalaryn jinap, beriletin nesieniń sharttaryn túsindirip, jyldyq ústeme qarjysy 6 paiyzdan aspaitynyn jáne kásipkerlik sertifikat talap etilmeitinin jetkizdi.
Jinalys qorytyndysymen sharýalar basshylyq ókilderine rizashylyqtaryn bildirip, der kezinde beriletin nesieniń mal azyǵyn satyp alýǵa septigin tigizetinin jetkizdi.
