Túrkistan oblysy balabaqshalaryndaǵy qaýipsizdik tekserilip jatyr, dep habarlaidy Dalanews.kz 24 kz-ke siltep.
Keles aýdanynyń prokýrorlary mektepke deiingi mekemelerdegi baqylaý kameralarynyń jazbalaryn zerttep, qylmystyq is qozǵaýǵa sebep bolǵan buzýshylyqtardy anyqtady.
Tórt balabaqshada qyzmetkerler balalarǵa kúsh kórsetken. Beinekadrlarda áieldiń balalardy eden jýǵyshpen urǵanyn kórýge bolady. Endi ol 3 jylǵa deiin bas bostandyǵynan aiyrylýy múmkin.
Sonymen qatar, prokýratýra qyzmetkerleri balalardyń qalai tamaqtanatynyn jáne qandai jaǵdaida tárbielenip jatqanyn tekseredi. Mamandardyń aitýynsha, turaqty qadaǵalaý naqty jaǵdaidy baǵalaýǵa múmkindik beredi.
"Biz mektepke deiingi mekemelerde balalardyń quqyqtaryn saqtaý úshin barlyq sharalardy qabyldaimyz. Qazir 97 balabaqshanyń altaýy ǵana tekserildi. Biz tekserýdi 20 kúnnen keiin aiaqtaimyz", - dedi Keles aýdanynyń prokýrory Nurlan Eshenqulov.
