El Prezidenti Qasym-Jomart Toqaev aýyldardy damytý jóninde tapsyrma bergen bolatyn. Bul rette demografiialyq ósimi joǵary Túrkistan oblysynda aýqymdy jumys atqarylyp jatyr. Nátijesinde mektep sany 1000-ǵa jetip otyr.
– Memleket basshysy balalarǵa jaǵdai jasaýdy erekshe tapsyrdy. Ónerli, bilimdi, sportqa beiim balalardy jan-jaqty damytý kerektigin aitty. Bul tapsyrmanyń bizdiń óńir úshin mańyzy óte joǵary. Sebebi elimizdegi sábilerdiń besten biri Túrkistan oblysynda dúniege keledi. Oblysymyzda, qazirgi tańda 700 myńnan astam bala bar. 2400-ge jýyq bilim berý uiymy jumys isteidi. Oblysta 2023-2025 jyldary kezeń-kezeńimen 96 mekteptiń qurylysyn salý josparlandy. Memleket tarapynan jasalyp jatqan bul qoldaýlar ustazdarǵa shabyt beredi jáne jas urpaqtyń sapaly bilim alýyna oń yqpal etedi dep sanaimyn. Biz búgin oblysymyzdaǵy 1000-shy mekteptiń ashylý saltanatyna qatysyp otyrmyz. Mundaǵy oqýshylar ata-analarynyń jáne ustazdardyń, eldiń úmitin aqtaidy dep senemin, – dedi Darhan Satybaldy.
Saryaǵash qalasy, «Samal» shaǵynaýdanyndaǵy №78 jalpy orta mektebiniń qurylysy 2020 jyly bastalǵan. 900 oqýshyǵa arnalǵan mektepte oqýshylardyń alańsyz bilim alýyna qolaily jaǵdai jasalǵan. Esik aldyna asfalt tóselgen jáne kógaldandyrylǵan. Mekteptegi sýyq sý men jylý jáne sanitarlyq bailanys qubyrlary ortalyqtandyrylǵan. Bilim uiasynda úlken dáliz, kitaphana boiynsha 1 oqý zaly men 1 media zal bar.
Túrkistan oblysy týý kórsetkishi, demografiialyq ósim boiynsha elimizde kóshbasshylar qatarynda tur. El turǵyndarynyń 10,7% osy óńirde turady. 2022 jyldyń jeltoqsanynda Túrkistan oblysy halqynyń sany 2116 450 adamǵa jetken. Onyń 75,5%-yn aýyl halqy qurap otyr. 2022 jyly oblysta 57429 bala dúniege kelgen. Onyń 605-i egiz bolsa, 12 úshem ómirge keldi. Bul derekter aýylǵa qoldaýdy kúsheitý jáne jyl saiyn mektepter sanyn arttyrý mindetin júkteidi.
Sondyqtan oblysta mekteppen qamtý jumysy óte qarqyndy júrip jatyr. Oblystyń 1364 mektepke deiingi uiymynda 159 113 bala tárbielenýde. Óńirdegi 1000 mektepte 514018 oqýshy bilim alýda.
Mektep tapshylyǵy máselesi kezeń-kezeńmen óz sheshimin tabýda. Ótken jyly 21 mektep paidalanýǵa berildi. Onyń ishinde 2 úsh aýysymdy mekteptiń máselesi sheshildi. Biyl 20 mektepti paidalanýǵa berý josparlanýda. «Jaily mektep» ulttyq jobasy aiasynda Túrkistan oblysynda 63 mekteptiń qurylysy josparlanýda. Onyń ishinde 2023 jylǵa 31 mekteptiń qurylysyn bastaýǵa qarjy baǵyttalyp otyr.
https://dalanews.kz/aimak/86479-darkhan-satybaldy-khalyqtyng-qoldauyns
https://dalanews.kz/aimak/86470-karisting-ktg-kompaniiasy-almaty-oblysynd
https://dalanews.kz/del-qazir/86364-qymbatshylyqqa-kim-kinali-ministr-zhum
https://dalanews.kz/aimak/86428-shygysqazaqstandyq-eriktiler-zilzala
