Túrkistan oblysynda 10 myńnan astam jas ana SMS habarlama arqyly qujat rásimdegen
Máselen, jyl basynyn beri Túrkistan oblysynda 10 myńnan asa jańa bosanǵan áiel sábileriniń týý týraly kýáligin proaktivti ádispen, iaǵni SMS-habarlama arqyly rásimdegen.
Sonymen qatar, mekeme mamandary tarapynan «Proaktivti ómirdi tańda!» atty aktsiiasy barysynda 400-den asa názik jandyǵa atalǵan qyzmet túri boiynsha keńes berildi. Proaktivti qyzmetti turǵyndar arasynda nasihattaý úshin bolashaq analarǵa nusqaýlyǵy bar aqparattyq paraqshalar taratylyp keledi.
Aita keterligi, «Azamattarǵa arnalǵan úkimet» memlekettik korporatsiiasy analarǵa bala týý boiynsha memlekettik qyzmetterdi proaktivti tásilmen alý jobasyn jańa jyl qarsańyndy iske qosqan bolatyn. Sodan beri balanyń týý jáne basqa da tiisti qyzmetterdi tirkeý týraly ótinishter ata-analardyń kelisimimen SMS-habarlama arqyly avtomatty túrde júzege asyrylýda. Bul qyzmetter ýákiletti organdardyń aqparattyq júieleri arqyly oryndalady.
Proaktivti qyzmetti «Mobildi azamattar» bazasyna tirkelgen el turǵyndary ǵana qoldana alady. Ony memlekettik korporatsiianyń kez-kelgen front-ofisinde nemese elektrondyq úkimet portalyndaǵy jeke kabinette JSN-di uialy telefonǵa bailanystyrý arqyly júzege asyrýǵa bolady.
Budan ózge, qazirgi tańda telefon arqyly shot nómirý arqyly járdemaqylardy rásimdeýge jáne balabaqsha kezegine turýǵa múmkindik bar. Halyqqa qyzmet kórsetý ortalyǵyna daiyn bolǵan kýálikti alyp ketý úshin ǵana baryp ne úige jetkizý qyzmetin paidalanǵan abzal.
«Azamattarǵa arnalǵan úkimet» memlekettik korporatsiiasy» KE AQ Túrkistan oblysy boiynsha filialynyń baspasóz qyzmeti.
