Túrkistan oblysy salyq jáne keden organdary qyzmetkerlerin tól merekesimen quttyqtady
Qazaqstan Respýblikasy Prezidentiniń «Memlekettik basqarý júiesin reformalaý týraly» Jarlyǵymen jáne 2014 jylǵy 14 tamyzdaǵy Úkimet Qaýlysymen Salyq komiteti men Kedendik baqylaý komitetiniń birigýi jolmen Memlekettik kirister komiteti qurylǵan bolatyn.
Memlekettik kirister organdary – ekonomikalyq jáne qarjylyq qaýipsizdik máselelerin sheshýdegi memlekettiń senimdi qoldaýy. Memlekettiń óz múddelerin qamtamasyz etýdegi mańyzdy quraly, strategiialyq mańyzdy memlekettik organdar. Al sizder, qymbatty áriptester, óz kásibi daǵdylaryńyzdy, tájiribelerińiz ben bilimderińizdi bizdiń elimizdiń damý igiligine qoldanyp jatyrsyzdar. Sizderdiń qyzmetterińizdiń arqasynda elimizdiń biýdjet túsimderi qamtamasyz etilýde.
Qazaqstannyń salyq jáne kedendik qyzmeti bir orynda turǵan joq. Biz kúnnen-kúnge damyp, ýaqytpen birge qadam basyp kele jatyrmyz. Barlyq biznes-úderisterdi tsifrlandyrý engizildi, kóptegen qyzmetter elektrondy túrde kórsetiledi. Bul bizdiń árqaisymyzdan udaiy kásibi jetilý men barlyq jańalyqtardy muqiiat zerdeleýdi talap etedi. Biraq bul jai ǵana ýaqyttyń talaby emes, biz muny barlyq úderister túsinikti, tez, ashyq jáne móldir bolýy úshin, adal bizneske jáne bizdiń azamattarymyzǵa kómektesý úshin jasap jatyrmyz.
Jumys sapasy men tiimdiligin arttyra otyryp, bizdiń basty mindetimiz — barlyq deńgeidegi biýdjetterge ákimshilendirilgen tabystardyń tolyq kólemde túsýin sheshýimiz kerek. Tipti búgin de, pandemiia jáne onymen bailanysty el ekonomikasynda týyndaǵan qiyndyqtar jaǵdaiynda da. Qazaqstan Respýblikasynyń Prezidenti men Úkimeti alǵa qoiǵan jáne bizdiń elimizdiń ekonomikasyn jańǵyrtýǵa jáne azamattardyń ómirin jaqsartýǵa baǵyttalǵan ekonomikalyq jáne áleýmettik mindetterdiń búkil keshenin oryndaý osyǵan bailanysty.
Qymbatty áriptester! Kásibi mereke kúni sizderdi shyn júrekten quttyqtaimyn, eńbekte mol tabys, otbasynyń amandyǵyn, ósip-órkendeý men myqty densaýlyq tileimin. Sizderge jumystaryńyz úshin alǵys aitamyn!
Dýlat NURMOLDIN, Túrkistan oblysy boiynsha Memlekettik kirister departamentiniń basshysy.
