Ótken jyldyń qorytyndysymen shaǵyn jáne orta bıznestiń ekonomıkadaǵy úlesi 26% qurap, aldaǵy tórt jyldyq kórsetkish asyra oryndaldy. «Qarapaıym zattar ekonomıkasy» arqyly búgingi kúnge
42,9 mlrd teńgege 315 joba qarjylanyp, ,aǵdarlamany júzege asyrý boıynsha Túrkistan oblysy aldyńǵy qatarda. «Bıznestiń jol kartasy – 2025» baǵdarlamasy da belsendi oryndalýda. Baǵdarlama búdjeti bıyl 43%-ǵa artyp 11,6 mlrd teńgege jetip otyr. Qazirgi tańda nesıeleý jumystary bastaldy.
2022 jylǵa búdjetten bólingen qarajat sheńberinde nesıelerdi sýbsıdıalaý arqyly kásipkerlerge jeńildetilgen 6%-ben 40 mlrd teńgege nesıe berý múmkindigi bar. Jeńildetilgen nesıelerdi kásipkerlerge barynsha baǵyttaý úshin aýdan jáne qala ákimdikterimen jumystar júrgizilýde.
Oblys ákimi Ómirzaq Shókeevtiń bastamasymen jergilikti deńgeıde birqatar jobalar iske qosylyp, sátti júzege asyrylýda. İri kásipkerlerdiń kómegimen mıkrobıznesti, startaptardy qoldaý maqsatynda óńirde «Kásipkerlik Qyrandary» jobasy bastaý alǵan bolatyn. Jobanyń arqasynda 16 startap jobalarǵa mentorlar qoldaý kórsetti. Joba jalǵasyn tabady.
«Bastaý Bıznes» túlekterin qarjylandyrý maqsatynda «Atameken – Túrkistan» mıkroqarjy uıymy qurylǵan bolatyn. «Bastaý Bıznes» túlekteri búgingi tańǵa 1,4 mlrd teńgege nesıelendi, qosymsha 1,1 mlrd teńgege nesıeleý jalǵasýda.
Sondaı-aq6 «Kerýen Saraı» jáne «Eko Bazar» saýdagerlerine arnalǵan «Yassy Business» baǵdarlamasy jumys jasaıdy. Qazirgi tańda 180 mln teńgege 10 joba qaralýda. Baǵdarlamanyń jalpy qarjysy 1 mlrd teńge, 330 mln teńge jergilikti búdjet, 670 mln teńge Damý qorynyń qarjysy. Baǵdarlama sheńberinde kásipkerlerge 25 mln. teńgege deıin 7 jylǵa 4%-ben nesıeler beriledi.
