Atap aitsaq, oblys ortalyǵynda zamanaýi «Muz saraiy» ashyldy. Sport nysanynyń ashylýyna Túrkistan oblysy ákimi Darhan Satybaldy qatysyp, sport janashyrlaryn quttyqtady.
– Búgin tarihi kún. Elimiz úshin qasterli Konstitýtsiia kúni qarsańynda Túrkistan oblysynda alǵash muz saraiy ashyldy. Balalar men jasóspirimder mánerlep syrǵanaý, shaibaly hokkei, short-trek sport túrimen ainalysýǵa qol jetkizse, qala turǵyndary men qonaqtary aptanyń senbi, jeksenbi kúnderi jappai syrǵanaýmen ainalysýǵa múmkindik alady. Bul Memleket basshysynyń tapsyrmasymen júrgizilip jatqan buqaralyq sportty damytýdyń josparly jumystarynyń nátijesi. Aldaǵy ýaqytta ulttyq at sporty úshin atshabardyń, sporttaǵy daryndy balalarǵa arnalǵan sport mektep-internaty men kolledjiniń ǵimaraty, sportshylarǵa arnalǵan dárigerlik dispanseriniń qurylystary júrgiziledi, – dedi Darhan Satybaldy.
1200 oryndyq Muz saraiy 2 ga aýmaqta ornalasqan. Muz saraiynda qysqy sportty damytýǵa barlyq jaǵdai jasalǵan. Eki qabatty sport nysanynda short-trek, mánerlep syrǵanaý jáne hokkei sekildi sport túrlerin damytý kózdelgen. Kerekti qural-jabdyqtar arnaiy Italiia, Kanada, Finliandiia elderinen tapsyryspen alynǵan.
Sondai-aq mereke qarsańynda Saryaǵash aýdanynda tórt birdei ǵimarattyń ashylý saltanaty ótti. Naqtyraq aitsaq, «Inju resort» shipajaiy, mádeniet úii jáne mektep. Jańa nysandardyń ashylý saltanatyna aýdan ákimi Arman Abdýllaev arnaiy baryp, lentasyn qidy. Qazirgi tańda shipaly sýymen álemge tanylǵan Saryaǵash shipajailaryna halyq suranysynyń kóp bolýyna bailanysty shipajai sany jyldan jylǵa artýda. «Inju resort» shipajaiy zamanaýi quraldarmen jabdyqtalǵan, barlyq talapqa sai, syiymdylyǵy 70 adam. Munda 30 adam turaqty jumyspen qamtylǵan.
Al Dihan baba aýylynyń turǵyndaryna 200 oryndyq jańa mádeniet úii paidalanýǵa berildi. Jańa eki qabatty mádeniet úiiniń ǵimaraty kitaphana, oqý zaly, konferentsiia men horeografiialyq bólmeler, shyǵarmashylyq ujymdar úshin kabinetter, keń kontsert zaly, sondai-aq zamanaýi mýzykalyq jabdyqtardan turady. Zamanaýi úlgidegi 300 oryndyq jańa mektep Aqjar aýyldyq okrýgi, Baǵys eldi mekeninde ashyldy. №23 Ǵ.Muratbaev atyndaǵy bilim uiasynyń qurylysy 2022 jyly bastalǵan. Mektepte oqýshylardyń alańsyz bilim alýyna qolaily jaǵdai jasalǵan. Esik aldyna asfalt tóselgen jáne kógaldandyrylǵan. Mekteptegi sý jáne sanitarlyq bailanys qubyrlary ortalyqtandyrylǵan. Atalmysh mektepte úlken dáliz, kitaphana boiynsha oqý zaly bar.
Sondai-aq himiia, fizika, eńbek jáne informatika kabinetteri tolyqtai zamanaýi qural-jabdyqtarmen jáne interaktivti taqtamen jabdyqtalǵan. Tigin úiirmesine arnalǵan bólme, keń sport zaly, ashana jáne meditsinalyq bólmesi bar. Órtke qarsy dabyl qaqqysh, syrtqy jáne ishki beinebaqylaý kameralary, jedelsaty da ornatylǵan. Budan bólek, Jylǵa aýyldyq okrýgi, Qaraqalpaq eldi mekenindegi 25 adamǵa meditsinalyq alǵashqy kómek kórsete alatyn dárigerlik ambýlotoriia el igiligine berildi. Zamanaýi meditsinalyq qural-jabdyqtarmen jaraqtandyrylǵan ambýlatoriia árbir azamattyń diagnozyn naqty anyqtap, tiisti em-sharalardy der kezinde qabyldaýyna jol ashpaq.
Sonymen qatar Túlkibas aýdanyndaǵy Mashat aýyldyq okrýgine qarasty Eńbekshi aýylynda jańa mektep el igiligine paidalanýǵa berildi. Osyǵan deiin Eńbekshi eldi mekende mektep máselesi birneshe jyldan beri sheshimin tappai kelgen. Sonymen qatar, atalǵan bilim oshaǵy «Aýyl - el besigi» baǵdarlamasy aiasynda qolǵa alynǵan. Bilim nysanynyń ashylý saltanatyna aýdan basshysy Nurjan Iztileýov arnaiy qatysyp, aýyl turǵyndaryn jańa mekteptiń ashylýymen quttyqtady. Merekelik shara, Uly Otan soǵysynyń ardageri Nurmahan Tursynbekovke arnap, eskertkish ornatý rásimimen jalǵasty. Jańa oqý jyly qarsańynda qurylysy aiaqtalǵan mekteptiń syiymdylyǵy 150 oqýshyny quraidy. Sondai-aq jańa nysan memlekettik standartqa tolyqtai sai keledi. Oǵan dálel, mektepte arnaiy 1 lingofon bólmesi 1 mýltimediia bólmesi bar. Oǵan qosa, qyzdar men uldarǵa arnalǵan zamanaýi úlgidegi sheberhana jáne 13 pándik kabinettermen tolyqqan. Sonymen birge, májilis, sport zaly, kitaphana, pedagog-psihologtardyń jeke kabinetteri men 50 orynǵa shaqtalǵan ashana men meditsinalyq bólmesi bar.
Budan bólek, Túlkibas aýdanynyń ortalyǵynan shalǵai ornalasqan Keltemashat aýylynda jańa meditsinalyq nysan ashylyp, el igiligine paidalanýǵa berildi. Saltanatty ashylý sharasyna oblystyq densaýlyq saqtaý basqarmasynyń basshysy Ashan Baidýaliev, aýdan ákiminiń orynbasary Marat Janesen arnaiy qatysyp, jergilikti turǵyndardy jańa ǵimarattarynyń ashylýymen quttyqtady.
Eldi meken turǵyndaryna qoljetimdi meditsinalyq kómek kórsetý maqsatynda biyl aýdan aýmaǵyndaǵy meditsinalyq tirekti qajet etetin 15 eldi mekenniń 4-ne zamanaýi jańa nysan soǵylyp, biyl paidalanýǵa berilgeli otyr. Bul baǵyttaǵy jumystar munymen toqtamaidy. Kelesi jyly 5 eldi mekenge, al qalǵan 6 eldi mekenge 2025 jyly zamanaýi feldsherlik-akýsherlik pýnktter soǵý josparlanǵan. Keltemashat feldsherlik akýsherlik pýnktiniń aýmaǵy - 20 sottyq. Qurylysy ótken jyldan ótpeli bolyp, biyl aiaqtalyp otyr. Ortalyq 20 adam qabyldaýǵa shaqtalǵan. Ishi qajetti zamanaýi quralmen tolyq jabdyqtalǵan.
Sairam aýdanynda da Konstitýtsiia kúni qarsańynda birqatar nysan ashyldy. Merekege orai aýdanda zamanaýi sport kesheni paidalanýǵa berildi. Jańa nysannyń ashylý saltanatyna Sairam aýdanynyń ákimi Arman Sábitov qatysyp, óskeleń urpaqty eptilik pen tózimdilikke tárbielep, salaýatty ómir saltyn qalyptastyrýda jańa sport nysandarynyń mańyzy zor ekenin atap ótti. Mankent aýylynda ornalasqan sport kesheninde 20 azamat turaqty jumyspen qamtylǵan. Jalpy nysan qurylysyna 450 mln. teńge jumsalǵan. Onyń 65 % kásipkerdiń jeke qarajaty esebinen bolsa, qalǵan 35 % «Jusan» bankinen nesie kózderinen. Atalǵan ǵimarattyń qurylys jumystary 2022 jyly bastalǵan bolatyn. Jumysshylardyń ortasha jalaqysy 150 myń teńgeni quraidy. Sport kesheninde kúres, voleibol, basketbol, kishi fýtbol, gimnastika, júzý, boks jáne ústel tennisi siiaqty sport túrine baýlýǵa barlyq jaǵdai jasalǵan, qajetti sporttyq quraldarmen tolyq jabdyqtalǵan.
Sondai-aq Maqtaaral aýdanynyń ortalyǵy Myrzakent kentinde Sport saraiy paidalanýǵa berildi. Nysannyń ashylý saltanatyna aýdan ákimi Baqyt Asanov, bokstan Sidnei olimpiadasynyń kúmis júldegeri, aýdan týmasy Muhtarhan Dildábekov, bokstan álem chempiony Birjan Jaqypov jáne aýdan turǵyndary qatysty. Jańa sport saraiy eki qabattan turady. Ǵimaratta 2 úlken sport zaly jáne jattyǵý zaly, sabaq ótýge arnalǵan arnaiy zaldar bar. Birinshi qabattaǵy sport zalynda sporttyń gandbol, basketbol, voleibol túrleri damytylady. Al ekinshi sport zalynda kúres, boks, gimnastika, aýyr atletika, jeńil atletikamen ainalysýǵa barlyq jaǵdai qarastyrylǵan.
Mereke qarsańynda Kentaý qalasy Qarnaq aýylynda jańa mekteptiń lentasy qiyldy. Mekteptiń ashylý saltanatyna qatysqan qala ákimi Jandos Tasov aýyl turǵyndaryn merekemen quttyqtap, lentasyn qidy.Atalmysh mektep jekemenshik bolǵanymen, balalar aqysyz bilim alatyn bolady. Mektep qurylysy 2023 jyldyń aqpan aiynda bastalǵan. Qurylys júrgizýshi «Urker» jaýapkershiligi shekteýli seriktestigi. Jańa mekteptiń aýmaǵy 20 ga qamtidy. Mektep qurylysymen qatar jataqhanasyda boi kóterýde. Qarasha aiynan bastap alys aimaqtan kelip oqityn balalar atalmysh jataqhanaǵa jaiǵastyrylady.
Bilim oshaǵy keń jáne jaryq zamanaýi jihazdarmen, tehnikalarmen jabdyqtalǵan. Munda oqýshylarǵa sapaly bilim sanaly tárbie alýyna barlyq jaǵdai jasalynǵan. 25-tei synyp bólmesi, 150 oryndyq akt zaly, 200 oryndyq ashanasy, sońǵy úlgide jabdyqtalǵan pán bólmeleri, sport zaly, kitaphanasy bar. Onda oqýshylar bir aýysymda oqityn bolady. Alystan keletin aýyl balalar úshin tasymal uiymdastyrylady. Bir ret tegin tamaqpen qamtamasyz etiledi. Mektep aýmaǵynan balalar oiyn alańshalary, sport alańshalary boi kóterip, baý-baqsha ornalastyrylýda. Sapaly bilim berý jolynda mektepte 60-qa jýyq ustaz jáne kómekshi kadrlar jumyspen qamtylmaq. Mektep aýmaǵynan zamanaýi balabaqsha jáne jazǵy saýyqtyrý lageriniń qurylysy bastaý aldy. Sondai-aq Kentaý qalasynda sońǵy úlgide salynǵan «Grant high school» mektebiniń lentasy qiyldy. 2 qabatty ǵimaratta ornalasqan mektep syiymdylyǵy 250 orynǵa arnalǵan. Búginde, mektepke 10-11 synyp oqityn 220 oqýshy qabyldanǵan. Jańa bilim ordasynda ár oqýshynyń tańdaǵan baǵytyna qarai pánderi tereńdetilip oqytylady. Sondai-aq memlekettik standarty tolyqtai qamtyǵan oqý ordasynda balaǵa túske deiin belgilengen keste boiynsha sabaq oqytylsa, tústen keiin mamandyqqa beiimdelgen bilim berý júiesi boiynsha sabaq júrgiziledi.
Al Shardara aýdanyndaǵy Aqsheńgeldi aýyly, Egizqum eldi mekeninen áleýmettik dúken ashyldy. «Aliasqar» degen ataýmen ashylǵan áleýmettik dúkendegi azyq-túlik baǵasy naryqtan 15-20 paiyz tómen satylady. Kásiptik nysannyń ashylýyna Aqsheńgeldi okrýginiń ákimi Ordabai Sahov, aýyl aqsaqaldary men turǵyndary qatysty. Aýyl ákimi áleýmettik dúkende aýyl turǵyndarynyń kúndelikti tutynatyn azyq-túrikteri satylatyn bolǵandyqtan halyq úshin óte tiimdi ári, úlken jeńil ekendigin jetkizip, kásipkerge alǵys bildirdi.
Qazyǵurt aýdany Jańabazar aýyl okrýgine qarasty Jańajol eldi mekeninde «Adel» balabaqshasy ashylyp, mereke qarsańynda el igiligine tabystaldy. Atalǵan balabaqshanyń ashylý saltanatyna aýdan ákimi Azizhan Ismailov, aýdan ákimi orynbasarlary, aýdandyq máslihat depýtattary, aýyl aqsaqaldary men turǵyndary qatysty. Aýdan ákimi nysannyń boi kóterýine sebepker bolǵan kásipkerlerge aýyl turǵyndary atynan rizashylyǵyn bildirip, arnaiy Alǵys hattar tabystady.
Túrkistan oblysynyń Óńirlik kommýnikatsiialar qyzmeti
