Lebap biligi astyqty halyq tonap ketedi dep qaýiptenedi. Túrkimenstanda birneshe jyldan beri un men nan tapshy.
– Ýálaiattyń Kerki jáne Hodjambaz etraptarynda ulttyq qaýipsizdik, prokýratýra, politsiia qyzmetkerleri men áskerilerden astyqty kúzetetin arnaiy top qurylady, – dep habarlady Azattyq tilshisi.
Onyń málimetinshe, sońǵy ýaqytta aimaqta kókónis pen jemis-jidek urlyǵy kóbeigen. «Alqaptarda kartop jii urlanyp jatyr. Bilik soǵan alańdaidy. Halyq jeitin nárse tappai otyr» dep habarlady tilshi.
Túrkimenstanda jerdi memleketten jalǵa alatyn sharýalar, bidai men maqtadan bólek, kartop pen qyzylsha egedi.
«Ońtústik aimaqtarda egin jinaý naýqany jaqyndady. Adamdar memleket alqaptaryndaǵy astyqqa shabýyldaýǵa daiyn ekenin jasyrmaidy» dedi tilshi.
Túrkimenstanda astyq jinaý naýqany maýsym aiynda bastalady.
Respýblikada aldyńǵy jyldary da astyqty kúzetýge quqyqqorǵaý organdarynyń qyzmetkerleri tartylǵan.
