Turǵyn úi kómek – Qazaqstandaǵy az qamtylǵan azamattar men otbasylarǵa arnalǵan memlekettik tólem. Ol turǵyn úige, kommýnaldyq qyzmetterge jáne memlekettik turǵyn úi qorynan jalǵa alynǵan baspananyń shyǵyndarynyń bir bóligin óteýge baǵyttalǵan, dep habarlaidy Dalanews.kz
Maqsaty – áleýmettik osal azamattardy qoldaý jáne tsifrlandyrý arqyly protsess ashyqtyǵyn qamtamasyz etý.
2025 jyly kómek alý joly
• Ótinishti onlain egov.kz portaly arqyly nemese HQKO arqyly jeke túrde berý múmkin.
• Negizgi málimetter (turǵyn úi ieligi, tirkelý, kirister, bank shoty) memlekettik organdar arqyly tekseriledi.
• Ótinishti tirkeý úshin otbasyndaǵy barlyq jetkinshek jastaǵy múshelerdiń kelisimi qajet.
• AAJ «Áleýmettik kómek» júiesinde normativtik esep jasalady, bul sheshim qabyldaý protsesin jedeldetedi.
Kimder kómek ala alady
• Turǵyn úi jáne kommýnaldyq qyzmetterge shyǵyndary jalpy kiristiń ruqsat etilgen bóliginen (5%-10%, máslihattar belgileidi) asatyn, kirisi belgilengen shekten tómen az qamtylǵan otbasylar.
• Kómek tek bir ǵana turǵyn úige (ózdigińizge nemese memlekettik qordan jalǵa alynǵan) beriledi.
• Otbasynyń kirisi ótinish beriletin kvartalǵa deiingi úsh ai boiynsha esepteledi, oǵan jalaqy, járdemaqylar, aliment, kásipkerlik tabys, jalǵa berý, baǵaly qaǵazdar men syilyqtar kiredi.
Ne óteledi?
• Kommýnaldyq qyzmetter: sý, elektr, gaz, jylý
• Turǵyn úi men aýla aýmaǵyn kútip ustaý
• Kapitaldyq jóndeý
• Bailanys qyzmetteri
• Memlekettik qordan alynǵan turǵyn úidi jalǵa alý tólemi
Kómek tek bir turǵyn úige tólenedi, jeke jalǵa berý men normativten tys qyzmetterge nemese turǵyn úidiń qosymsha aýmaǵyna qoldanylmaidy.
Kómektiń eseptelýi
Turǵyn úi kómegi = naqty shyǵyndar – ruqsat etilgen shyǵyn deńgeii (jergilikti máslihattar belgileidi).
• Normativtik esep AAJ «Áleýmettik kómek» júiesinde aimaqtyq shekteýler men normalardy eskere otyryp jasalady.
• Esepteý kezinde bir adamǵa 18 m² belgilengen.
Ótinishti qadamdap berý
1.Ótinish berý – eGov.kz portalynda nemese HQKO arqyly ETsQ arqyly.
2.Tekserý – memlekettik organdar turǵyn úi, tirkelý, otbasy quramy, bank shoty jáne memlekettik turǵyn úidi tekseredi.
3.Málimetterdi engizý – ótken kvartalǵa arnalǵan tólem qujattaryn tirkeý (turǵyn úi, kommýnaldyq qyzmet, bailanys).
4.Qaraý – ákimdikter normativtik esep jasaidy; merzimi – 6 jumys kúni.
5.Sheshim qabyldaý jáne tóleý – ótinish berýshige habarlanady; tizimder Qarjy ministrliginiń Kaznacheilik komitetine jiberilip, qarajat aýdarylady.
Qajetti qujattar
• Jeke kýálik
• Kommýnaldyq qyzmet, turǵyn úidi kútip ustaý jáne kapitaldyq jóndeýge arnalǵan tólem qujattary
• Bailanys qyzmetterine kelisim nemese tólem qujattary
• Memlekettik qordan jalǵa alý týraly qujat (bar bolsa)
• Bank shotynyń nómiri (IBAN)
