Bul týraly OQO Aimaqtyq kommýnikatsiialar qyzmetinde memleket basshysy N.Nazarbaevtyń «Qazaqstannyń úshinshi jańǵyrýy: jahandyq básekege qabilettilik» joldaýynyń Túlkibas aýdanynda atqarylýy boiynsha ótken baspasóz konferentsiiasynda aýdan basshysy Nurbol Turashbekov habarlady. Málimetke sáikes, Túlkibastyń áleýmettik-ekonomikalyq damýyn arttyrý maqsatynda aýdanda 1 iri, 7 orta, 23 kishi jáne 8 qosalqy barlyǵy 39 kásiporyn jyl basynan beri 8 629,5 mln. teńgeniń ónimin óndirgen.
«Aýdanda kásipkerlik salasynda jumys isteitinder sany 17 344 adamǵa jetip, biznesmender sany 106 adamǵa nemese 100,6% ósip otyr. Jalpy kásipkerlik salasynda belsendi jumys istep turǵan shaǵyn jáne orta kásipkerlik sýbektileriniń sany 6520 birlikti qurap otyr. Aýdandaǵy 4 shaǵyn nesie uiymy arqyly 2712 jeke azamatqa 1237,2 mln teńge nesie berildi», - dedi Nurbol Ábdisattaruly.
Aýdanda kásipkerliktiń keń qanat jaiýy úshin, iaǵni, biznes-ortany túbegeili jaqsartý jáne keńeitý aiasynda «Nátijeli jumyspen qamtý jáne jappai kásipkerlikti damytý» baǵdarlamasynyń barlyq baǵyty boiynsha tiisti jumystar atqarylyp, nátijesinde, belsendi túrde 235 azamat oqýǵa joldansa, 34 azamatqa 81,2 mln. teńge shaǵyn nesie berilgen. Sondai-aq, baǵdarlamanyń úshinshi baǵyty aiasynda 961 adam jumyspen qamtylypty.
Joldaýda aitylǵan árbir basymdyqqa jeke-jeke toqtalǵan aýdan basshysy kásipkerlikti damytýda memleket-jekemenshik seriktestigin damytý jumystarynyń barysyn da baiandady. Máselen, jyl sońyna deiin osy baǵytta Túlkibastaǵy Aqbiik aýylynda 100 oryndyq bir balabaqsha el igiligine berilmek. Jáne bul jumystar odan ári jalǵasatyn bolady. Osy kórsetkishterdiń nátijesinde mektepke deiingi balalardy balabaqshamen qamtý isi aýdanda biyl 92,6 paiyzdy qurap otyr eken.
