Túrkistan oblysy Túlkibas aýdanyndaǵy taýly aımaqtarda taý pistesi pisip, jaıqalyp tur. Taý pistesi ózge dándi-daqyldardan ereksheligi alǵashqy jemisin 30 jyldan keıin beretinimen erekshelenedi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qazaq halqy taý pistesiniń pisip, ónim bergenin qashanda jaqsylyqqa balaǵan. Kópshilikke fıstashka degen atpen tanys taý pistesi jaıly tarıhta kóptegen derekter bar.

Mamandardyń sózinshe, qazaq halqy ejelden bul jemis aǵashyn kıeli dep qadyr tutqan. Onyń birden-bir sebebin adamdardyń asharshylyq kezeńde osy taý pistesin talǵajaý etkenimen baılanystyrady.

Tipti, soǵys kezinde de qalyń bolyp ósetin aǵash kópshilikke pana bolǵan desedi.

Taý pistesinen kóshet alyp, óndirip ósirý óte qıyn sharýa ekenin aıtady mamandar. Bul aǵash atalyq jáne analyq butaqtary qatar turǵanda ǵana gúldep, jemis beredi. Qarapaıym jańǵaq ispetti jemis beretin aǵashtan shamamen eki-úsh keli ǵana ónim alýǵa bolady.

Taý pistesi tamyz aıynyń sońy men qyrkúıektiń orta tusynda pisedi. Túlkibastyq taý pistesiniń orta Azıa elderinde ósetin pisteden ereksheligi kólemi kishirek keledi. Al, quramy 2 ese maıly ıaǵnı, qunarly. Dámi til úıiredi.