Jańa ákimdi aýdan aktivine arnaiy tanystyrǵan aimaq basshysy Túlkibastyń ózindik ereksheligi bar aýdan ekenin eskertti.
«Bul aýdan týrizmge óte qolaily. Jol boiyndaǵy qyzmettik servistiń sapasyn jaqsartýǵa kóńil bólgen jón. Odan bólek, aýdandaǵy jumyssyzdyqty azaitý, kásipkerlik pen agrosalany damytyp, óńirge investitsiia tartý másellerine mán berilýi qajet. Jańa ákimderińiz bul máselelerdiń de sheshimin tabady degen senimim bar», - dedi Janseiit Qanseiituly.
Aita keteiik, Nurbol Ábdisattaruly Turashbekov 1980 jyly Tóle bi aýdanynda týǵan, qazaq, bilimi joǵary, injener-ekonomist, injener-jerge ornalastyrýshy.
Eńbek jolyn 2001 jyly Ońtústik Qazaqstan oblysynyń Ordabasy aýdanynda «Ońtústik Qazaqstan jer Ǵylymi óńdiristik ortalyǵy» enshiles memlekettik kásiporynynyń Ordabasy jer-kadastrlyq biýrosynda jerge ornalastyrýshy retinde bastaǵan.
2002 jyly Ordabasy aýdandyq jer-kadastrlyq biýrosynyń meńgerýshisi, 2009 jyly Sairam jer-kadastrlyq biýrosynyń direktory, 2010 jyly «Ońtústik Qazaqstanjer Ǵylymi óńdiristik ortalyǵy» enshiles memlekettik kásiporynynyń direktory, 2012 jyly (Astana qalasy) «Jer Ǵylymi óńdiristik ortalyǵy» respýblikalyq memlekettik kásiporny Bas direktorynyń birinshi orynbasary qyzmetine taǵaiyndalǵan.
2016 jyldyń sáýir aiynan bastap «Azamattarǵa arnalǵan úkimet» memlekettik korporatsiiasynyń «Jer kadastry ǵylymi-óndiristik ortalyǵy» direktsiiasy direktorynyń orynbasary, «Jer kadastry jáne jyljymaityn múlikti tehnikalyq tekserý» direktsiiasy Memlekettik jer kadastry basqarmasynyń basshysy laýazymyn atqaryp keldi.
