Túlkibas aýdanynda 16 jeltoqsan Qazaqstan Respýblıkasy Táýelsizdik kúni qarsańynda M.H.Dýlatı atyndaǵy aýdandyq mádenıet saraıynda saltanatty jıyn bolyp ótti. Aıtýly sharaǵa aýdan ákimi Nurbol Turashbekov, aýdannyń betke ustar zamattary qatysyp, el Táýelsizdiginiń mańyzy jaıynda óz oılaryn ortaǵa saldy.

Jıynda aldymen elimizdiń jetken jetistikteri men baǵyndyrǵan belesteri jaıly beınerolık kórsetildi. Aýdan halqyn aýdan ákimi N.Turashbekov quttyqtap, egemendi elimizdiń 27 jylda jetken jetistikteri jaıly jáne aýdanymyzda atqarylǵan jumystardy tilge tıek etip, aýdannan shyqqan bir top azamattardy aýdannyń 90 jyldyq medalmen marapattady.

Merekelik jıynda Túrkistan oblystyq ardagerler keńesiniń tóraǵasy J.Máýlenqulov, Túlkibas aýdandyq máslıhat hatshysy S.Seısenbaev, aýdandyq sottyń tóraǵasy M.Beknazarov ystyq lebizin bildirip, aýdannyń birqatar azamattaryn merekelik medaldermen jáne Alǵys hattarmen marapattady. Saltanatty jıyn aýdan ónerpazdarynyń konserttik baǵdarlamasyna ulasty.

Osylaısha Táýelsizdik merekesin túlkibastyqtar úlken qýanyshpen qarsy aldy. Táýelsizdik qazaq atyn álemge tanytqan basty baılyǵymyz desek bolady. Osy jyldary Qazaqstan qaryshtap damyp, álem tanıtyn aıbarly elge aınaldy.