"Túk bitirgen joq...". Prezident Toqaev ministr Omarovty qyzmetinen bosatty
"Memleket basshysynyń jarlyǵymen Saparhan Kesikbaiuly Omarov Qazaqstan Respýblikasynyń aýyl sharýashylyǵy ministri laýazymynan bosatyldy", - delingen resmi habarlamada.
Aita keteiik, búgin úkimettiń keńeitilgen otyrysynda Qasym-Jomart Toqaev aýyl sharýashylyǵy ministri otstavkaǵa ketýi qajettigin aitty.
"Júieli ári naqty jumys atqarylmaǵan. Sonyń kesirinen sharýalarymyz tyǵyryqqa tirelip otyr. Naqty is-áreket pen keri bailanys joq. Sondyqtan fermerler kómek surap, tikelei maǵan ótinish aityp jatyr. Árine, qýańshylyq – tabiǵi jaǵdai. Muny jaqsy túsinemin. Degenmen bul máseleniń bir jaǵy ǵana. Eń bastysy osyndai kúrdeli kezeńde tiisti ministrlik shuǵyl jáne batyl sheshimder qabyldaýy qajet edi", - dep atap ótti prezident.
"Pandemiia azyq-túlik qaýipsizdigi turǵysynan Qazaqstannyń osaldyǵyn ashty. Biz Qazaqstannyń ekonomikasy ashyq ekenin jáne óz naryǵymyzdy import pen eksport úshin jaba almaitynymyzdy túsinemiz. Sonymen birge otandyq aýyl sharýashylyǵy salasynyń ishki naryqty bazalyq ónimdermen qamtamasyz ete almaýyna syn óte ádil", - dedi buǵan qosa Toqaev.
