Ol bul jazbany kúieýi ajyrasýǵa ruqsat bermegendikten — sharasyzdyqtan jazǵanyn eskertken dep habarlady Baq.kz. Onda da oligarhtyń bul bylyǵy sheti ǵana eken, odan da zory bar kórinedi.
«Manhettende transgenderler bárinen ádemi bolyp sanalady. Aleksiia esimdi transgenderge barǵandy unatqan Saakashvili oqiǵasy esterińizde me? Adam ishimdikke salynyp, degradatsiiaǵa ushyraǵanda budan qashyp qutylý múmkin emes shyǵar. Osy tusta áiel qaýymyna suraq qoiǵym kelip otyr. Tósegińizde «boiy 8 inch bolatyn úshinshi sulý jatqanyna» dálelińiz bola tura kúieýińizben birge turasyz ba? Tanysyp qoiyńyzdar, ol meniń tuńǵysh qyzymmen attas – Iasmin. Bul men úshin taǵy bir soraqylyqtyń kórinisi bolyp otyr.
P.S: Meniń kúieýim Niý-Iorkte ajyrasqysy kelmeidi. Buǵan taǵy bir sebep – Iasminmen bailanysy. Ol Niý-Iork joǵarǵy soty isine resmi kiristirilgen», — deidi Maqpal Karibjanova.
Atalǵan postqa kóptegen pikir jazyldy. Solardyń birine Maqpal Karibjanova «Men eshnárseni jasyrǵym kelmegendikten, osylai jazyp otyrmyn. Kúieýimniń abyroi-bedeli úshin jaýapkershilikti alǵym kelmeidi. Bul barlyǵynyń kishkene ǵana bóligi. Barlyq soraqylyqtyń kishkene ǵana bóligi» dep jaýap berdi.
Munymen qatar, Maqpal Karibjanova kúieýimen eki jyldan beri birge turmaitynyn aityp ótti. Qazir erli-zaiypty ajyrasyp jatyr. Osy kúnge deiin Aidan jáne Maqpal Karibjanovtar baqytty ári adal juptardyń qataryna kirgen bolatyn. Olardyń úsh balasy bar: qyzdary – Iasmin, Iman-Aimek jáne uly – Jan.
Budan ózge Maqpal Karibjanovanyń aitýynsha, kúieýi transgendermen qarym-qatynasyn jasyrý úshin Qazaqstanda basqa áielmen kóńil jarastyryp júr.
«Men bolashaq týraly emes, qazirgi sát týraly aityp turmyn. Osy postty oqyǵandarǵa ótinishim bar. Maǵan qoldaý nemese tereń filosofiialyq sózder qajet emes. Bar bolǵany bizdiń qoǵam men osy qoǵamdaǵy áieldiń róli týraly oilańyzdar!», — deidi ol.
Aidan Karibjanovtyń ózi Tengrinews.kz tilshisine bergen suhbatynda áielimen ajyrasyp jatqanyn rastady. Munymen qatar, belgili bir sebepterge bailanysty ajyrasý protsesiniń uzaqqa sozylatynyn aityp ótti.«Men rasymen de ajyrasyp jatyrmyn. Buǵan múlikke bola daýlasyp jatqan sot protsessteri dálel. (…) Maqpaldyń búgingi jazbasy meni jyldamyraq ajyrasýǵa itermelei tústi. (…) Zańgerler bul máseleni sheshýmen ainalysyp jatyr», — dedi Karibjanov.
