Prokýror Ulttyq qaýipsizdik qyzmetiniń transgender-áieldi zorlady dep aiyptalǵan burynǵy qyzmetkerine on jyl surady.
Transgenrder-áiel Viktoriia Berikqojaeva sotqa jábirlenýshi retinde qatysyp jatyr.
Búgin Ile aýdandyq sotynda taraptardyń sózjarysy ótti. Sot jabyq ótip jatyr.
Berikqojaevanyń aitýynsha, prokýror sýdiadan sottalýshyny ómir boiy memlekettik qyzmette jumys isteýge tyiym salýyn, sonymen birge onyń UQK maiory ataǵyn qaitarýyn surady.
Komitettiń burynǵy qyzmetkeri taǵylǵan aiyptarmen kelispeitinin aityp, sottan ózin aqtaýyn ótingen.
Sottyń kelesi otyrysynda, 2 qazanda, sottalýshy sońǵy sózin aitady. Odan soń sot úkimi shyǵady.
Sot protsesi kezinde Almatydaǵy tergeý izoliatorynda otyrǵan Berikqojaeva búgin alǵash ret sot otyrysyna qatysty.
Zorlyq oqiǵasyna qatysty qylmystyq 2019 jyly jazda qozǵalǵan. Qazan aiynda UQK-niń burynǵy qyzmetkeri qamaýǵa alyndy.
