Donald Tramptyń seriktesi Qazaqstan ekonomikasyna 3 mlrd dollar kóleminde investitsiia quidy. Joba aiasyndaǵy qurylys jumystary qańtar aiynda bastaý alady.
Iri investitsiialyq bastama sheńberinde milliarder, SRAM & MRAM konglomeratynyń basshysy doktor Sailesh Hiranadani elimizde halyqaralyq standarttarǵa sai kópsalaly aýrýhana men meditsinalyq ýniversitet salýdy qolǵa almaq.
Meditsina salasyna baǵyttalǵan qarjy kólemi 500 mln dollardy quraidy. Al boi kóteretin ýniversitet 10 myńnan astam stýdentti qabyldaýǵa eseptelip, zamanaýi bilim berý jáne meditsinalyq tehnologiialarmen tolyq jabdyqtalady. Nátijesinde ol álemdegi eń iri meditsinalyq joǵary oqý oryndarynyń qataryna qosylady.
Joba densaýlyq saqtaý jáne meditsinalyq bilim berý júiesine halyqaralyq talaptardy engizýdi kózdeidi jáne Qazaqstan tarihyndaǵy atalǵan salalarǵa salynǵan eń aýqymdy jekemenshik investitsiialardyń biri sanalady.
