Resmi málimetke sáikes, senbi kúni Áýbákirov meditsinalyq ortalyq aýrýhanasyna habarlasyp, jótel, álsizdik pen tersheńdik bar ekenin aitqan.
"Jedel meditsinalyq járdem brigadasy jiberildi. Tekseris kezinde jaǵdai turaqty bolǵan. Satýratsiia 95%, al temperatýrasy 36.6. PTR-synama alyndy", - deidi mamandar.
Test virýs juqtyrǵanyn kórsetti. Áýbákirov 6 kúnnen beri aýyryp júrgenin jetkizdi. Úide "Sýmamed" degen dári ishken. Biraq aýrýhananyń kómegine júgingen joq.
"23 tamyzda aýrýhananyń mobildi toby úiine baryp, analiz aldy. Keýde tusynyń kompiýterlik tomografiiasy da jasaldy. Zerthanalyq zertteýdiń nátijesi boiynsha Nur-Sultan qalalyq infektsiialyq ortalyǵyna jiberildi. Biraq patsient aýrýhanaǵa jatýdan bas tartty", - dedi aýrýhana qyzmetkerleri.
Búgin tańerteń mamandar ǵaryshkermen taǵy sóilesip, infektsiialyq ortalyqqa jatýǵa kóndirdi. Diagnozy - COVID-19. Jaǵdaiy ortasha aýyr. Ekijaqty polisegmentarlyq pnevmoniia anyqtaldy.
Toqtar Áýbákirov koronavirýsqa qarsy vaktsina alǵan. Ekinshi dozasy 17 sáýirde salynǵan bolatyn.
