30 tamyzda Qazaqstan Prezidenti Qytaidyń Tiantszin qalasyna barǵany belgili. Shanhai yntymaqtastyq uiymynyń sammmiti men "ShOS pliýs" otyrysynyń aldynda QHR Tóraǵasy Si Tszinpinniń Qazaqstan kóshbasshysymen kezdeskeni týraly qytailyq BAQ-tar jarysa jazyp jatyr. Qytai buqaralyq aqparat quraldary Qazaqstan basshysynyń bul saparyna keń kólemde nazar aýdaryp, ár joly kelissózderdiń Beijińniń múddeleri men basymdyqtaryn aiqyn kórsetetin qyrlaryna erekshe toqtaldy, dep habarlaidy Dalanews.kz.
Xinhua: Qytai tarapy úshin bul simvoldyq mánge ie
Qytaidyń resmi Xinhua agenttigi kezdesý barysyn tarihi turǵydan sipattady.
Jýrnalister atap ótkendei, Qasym-Jomart Toqaevtyń sapary Ekinshi dúniejúzilik soǵystaǵy Jeńistiń 80 jyldyǵyna arnalǵan is-sharalarmen tuspa-tus keldi. Qytai tarapy úshin bul simvoldyq mánge ie: Qazaqstannyń osyndai mańyzdy sharalarǵa qatysýy eki eldiń jaqyndyǵyn jáne ózara senimge negizdelgen qatynastaryn aiqyn kórsetedi.
"Álemde qandai ózgerister oryn alsa da, Qytai men Qazaqstan kórshilestik pen dostyq saiasatyn ustanyp, ádil halyqaralyq tártip ornatýǵa kúsh salýy tiis", - dep atap ótti Si Tszinpin.
CGTN: Astana men Beijiń bir-birin batyl qoldaýǵa tiis
Al CGTN telearnasy óz basymdyqtaryn basqasha qoidy. Munda basty nazar kelissózderdiń naqty nátijelerine baǵyttaldy. Kórermenderge eki eldiń energetikadan bastap tehnologiia, bilim, sport jáne jabaiy tabiǵatty qorǵaýǵa deiingi salalardy qamtityn 20-dan astam kelisimge qol qoiǵany eske salyndy. Sondai-aq telearna Toqaevtyń myna sózine nazar aýdardy:
Qazaqstan men Qytai qarym-qatynastary tarihtaǵy eń joǵary deńgeiine jetti» degen sózin keltirdi. Ol ótken jylǵy ekijaqty saýdanyń rekordtyq kórsetkishterge qol jetkizgenin atap ótti. Óz kezeginde Si Tszinpin: «Astana men Beijiń bir-birin batyl qoldap, yntymaqtastyqty jańa deńgeige kóterýi tiis, - dedi Qazaqstan kóshbasshysy.
Úkimettik gov.cn portaly: Diplomatiialyq basymdyq
Úkimettik gov.cn portaly jaǵdaidy anaǵurlym ustamdy túrde kórsetti. Munda qol qoiylǵan qujattardyń egjei-tegjeiine toqtalmai, diplomatiialyq tujyrymdarǵa basymdyq berildi.
Halyqaralyq jaǵdaidaǵy ózgeristerge qaramastan, Qytai men Qazaqstan árqashan jaqsy kórshi ári senimdi seriktes bolyp qala berýi kerek, - degen Si Tszinpinniń sózi keltirildi.
Qytai SIM: Qytai men Qazaqstan bir-birine senetin ári arqa súieitin kórshiler
Al Qytaidyń Syrtqy ister ministrligi óz málimdemesinde seriktestiktiń strategiialyq sipatyna ekpin qoidy. Vedomstvo Qytai men Qazaqstandy «bir-birine senetin ári arqa súieitin kórshiler» dep sipattady. Sondai-aq energetika salasyndaǵy yntymaqtastyqtyń, kólik dálizderin damytýdyń jáne mádeni almasýlardyń mańyzdylyǵyna nazar aýdaryldy. Bul, ásirese, aldaǵy eki el arasyndaǵy Mádeni almasý jyly aiasynda erekshe mánge ie.
Jalpy, Qytaidyń jetekshi aqparat quraldary bir pikirde: Toqaev pen Si Tszinpinniń Tiantszindegi kezdesýi strategiialyq seriktestikti nyǵaitýdyń mańyzdy qadamy boldy. Degenmen, árbir derekkóz óz qyrynan qarastyrdy: Xinhua – tarihi sabaqtastyqty, CGTN – praktikalyq nátijelerdi, al gov.cn men QHR SIM – resmi diplomatiialyq til men strategiialyq yntymaqtastyqty alǵa tartty.
