«Nur Otan» partiiasy Túrkistan oblystyq filialynda ótken brifingte Ulasbek Sádibekuly shtabtyń aldaǵy jumystary men quramy jaiynda jan-jaqty aityp ótti.
Oblystyq qoǵamdyq shtab 65 adamnan turady. Onyń quramyna tanymal tulǵalar, qoǵam qairatkerleri, partiia belsendileri, ziialy qaýym ókilderi, oblystyq filial saiasi keńesiniń músheleri men jastar uiymdarynyń belsendileri bar. Sondai-aq, ótken sailaý naýqandaryna qatysyp, mol tájiribe jinaqtaǵan azamattar, úkimettik emes uiym ókilderi de molynan qamtyldy. Búgingi kúni oblystyq jáne aýdandyq, qalalyq 17 shtab jasaqtalyp, quramyna 573 adam engen.
Oblystyq, aýdandyq, qalalyq qoǵamdyq shtabtardyń apparatynyń qurylymy jasaqtalǵan. Shtabta uiymdastyrý, saiasi, qoǵamdyq qabyldaý zańgerlik bólimderi men baspasóz-qyzmeti jumys isteidi.
– Biz ziialy qaýym ókilderimen, aqsaqaldarmen, áleýmettik sala qyzmetkerlerimen, eńbek ujymdarymen, kásipkerlermen, aýyl sharýashylyq salasy mamandarymen, shalǵai aýyl turǵyndarymen, úkimettik emes uiymdarmen, qurylysshylarmen, bilim, mádeniet, sport, densaýlyq saqtaý salasynyń jáne ózge de sanattaǵy azamattarmen erkin formattaǵy kezdesýlerdi kóbirek ótkizýge kóńil bólip otyrmyz, – dedi Túrkistan oblystyq shtab tóraǵasy Ulasbek Sádibekov.
Respýblikalyq qoǵamdyq shtab músheleri 12 mamyrdan bastap óńirlerdi aralaýǵa shyǵady. Túrkistan oblysyna sapary 27-29 mamyrǵa belgilenip otyr.
«Nur Otan» partiiasy tóraǵasynyń Birinshi orynbasary, Respýblikalyq qoǵamdyq shtab tóraǵasy Máýlen Áshimbaev basqaryp keletin shtab músheleriniń quramynda Parlament Senaty men Májilisiniń depýtattary jáne esimderi elge tanymal azamattar bar.
Oblys boiynsha 1778 senimdi ókil aýmaqtyq sailaý komissiiasynda tirkelip, kýálikterin alǵan.
12 mamyrda kandidattyń oblystyq, qalalyq jáne aýdandyq qoǵamdyq qabyldaý bólmeleriniń ashylýy sharasy uiymdastyrylady. Oǵan kez kelgen azamat óziniń usynys-tilegin, pikirin ashyq jetkizýge múmkindigi bar.
