Biraz ýaqyt buryn Máskeýde Joǵary Eýraziialyq ekonomikalyq keńestiń otyrysy ótti, oǵan EAEO-ǵa múshe elderdiń kóshbasshylary qatysty. QHR sarapshylary is-shara barysynda Qazaqstan Prezidenti Toqaevtyń óz-ózin ustaýy nazar aýdartqanyn jazyp jatyr.
Dalanews.kz qytailyq basylymdardyń osy týraly maqalalaryna sholý jasaǵan.
"Prezident Toqaev Reseige barǵanda, alǵashynda onyń saparynyń basty maqsaty Pýtindi quttyqtaý bolatyndai kórindi", - dep jazylǵan Qytai basylymdarynda.
Tencent málimetinshe, Máskeýde qazaq Prezidenti reseilik áriptesi Vladimir Pýtindi qaita sailanýymen quttyqtaǵan, sondai-aq, osyndai otyrysty tamasha uiymdastyrǵany úshin jyly lebizin bildirgen. Alǵashynda bul sózden Toqaev Reseimen qarym-qatynasty damytýǵa nazar aýdarady degen áser paida bolǵan. Alaida Toqaev osal emes ekenin kórsetipti.
"QHR sarapshylarynyń sózinshe, Toqaev Qytaidy Batys Eýropa elderimen bailanystyratyn Transkaspii kólik dáliziniń úlken bolashaǵy týraly aita bastaǵanda tańǵaldyrǵan. Ol Qazaqstannyń qatysýymen qurylǵan Siandaǵy kóliktik-logistikalyq terminal arqyly úlken kólemde júk jetkiziletinine nazar aýdarǵan. Toqaev bul týraly Pýtinniń kózinshe aitqany tańǵalarlyq jait boldy, óitkeni bul baǵyt Resei Federatsiiasy arqyly ótpeidi jáne reseilik logistikalyq jobalardyń básekelesi bolyp sanalady", - dep jazylǵan basylym málimetinde.
"Qazaqstan men Qytai qurǵan logistikalyq baǵyt negizinen Resei arqyly ótetin "Soltústik-Ońtústik" dálizine básekeles. Toqaev bul týraly Pýtinniń kózinshe aitqany úlken qyzyǵýshylyq týdyrady", - dedi Tencent sholýshylary.
Sondai-aq, Toqaev aldaǵy birneshe onjyldyqta Eýraziia óńirindegi infraqurylym eskiretinin jáne ony ýaqtyly jańartyp, qoldaý qajet ekenin aitqan. Osylaisha, ol Reseige erte me, kesh pe "Soltústik - Ońtústik" dálizi Eýraziialyq ekonomika men saýdanyń barlyq qajettiligin qanaǵattandyra almaitynyn meńzegen. Sonymen qatar, Toqaev Qazaqstan jańa transshekaralyq kóliktik-logistikalyq bes torap salýǵa daiyn ekenin jáne olardyń bireýi ǵana Reseimen bailanysty bolatynyn málimdepti.
"Toqaev óziniń burynǵy ustamdy minez-qulqyn ózgertip, óte belsendi boldy" dep esepteidi sarapshylar. Resei men onyń prezidenti Pýtin Toqaevtyń bul málimdemesine qalai jaýap beretini ázirge belgisiz. Tek Qazaqstannyń ambitsiiasy ósip kele jatqany anyq, tipti kei tusta ol óziniń asa yqpaldy kórshisine qarsy shyǵýǵa tyrysýy múmkin", - dep jazdy basylym.
