QR Prezidentiniń Baspasóz hatshysy Berik Ýáli áleýmettik jelidegi paraqshasynda:
– Búgin Qazaqstan Prezidenti Abý-Dabidiń murager hanzadasy sheih Muhammed ben Zaid Ál Nahaianmen kezdesedi. Kezdesýde ekijaqty yntymaqtastyq máselesi keń aýqymda talqylanady, – dedi.
Sapar barysynda BAÁ iskerlik toptarynyń ókilderimen dóńgelek ústel ótkizý josparlanǵan.
Berik Ýálidiń aitýynsha, Qasym-Jomart Toqaev 28 qańtarda Dýbaida Birikken Arab Ámirlikteriniń Vitse-prezidenti, Premer-ministri, Dýbai bileýshisi sheih Muhammed ben Rashid Ál Maktýmmen kezdesedi, sondai-aq, Dýbai Halyqaralyq qarjy ortalyǵyna (DIFC) barady. Sonymen qatar Birikken Arab Ámirlikteri kompaniialarynyń basshylarymen kezdesý ótkizedi.
