Ýkraina tarapynyń bastamasymen ótken áńgimelesý barysynda Qasym-Jomart Toqaev pen Vladimir Zelenskii birin-biri eki el arasyndaǵy diplomatiialyq qatynastardyń 30 jyldyǵymen quttyqtady. Bul ataýly kún 23 shildede atap ótiledi.
Qasym-Jomart Toqaev osy kezeń ishinde ekonomikalyq jáne gýmanitarlyq salalardaǵy ekijaqty yntymaqtastyqty damytýda mańyzdy ári oń nátijelerge qol jetkizilgenin atap ótti.
Qazaqstan Prezidenti BUU-nyń kómek kórsetýimen Ýkraina astyǵyn eksporttaý jónindegi Túrkiiada qol jetkizilgen úshjaqty kelisimge oń baǵa berdi.
Sonymen qatar Memleket basshysy Ýkrainadaǵy jaǵdaidy diplomatiialyq jolmen retteýge qatysty Qazaqstannyń túbegeili ustanymyn rastady.
