Narazylyq sherýine shyqqysy keletin azamattarǵa arnaıy oryn bólinedi.
Qazaqstanda azamattardyń kóshege shyǵyp, narazylyǵyn bildirýge ruqsat beretin arnaıy zań qabyldanady. Bul týraly memleket basshysy Qasym-Jomart Toqaev Euronews basylymyna bergen suqbatynda aıtty.
Toqaev kóshedegi zańsyz mıtıńter men aksıalardyń barlyǵyna tosqaýyl qoıylatynyn atap ótti. Biraq, onyń aıtýynsha, zań ázirlenip, qazaqstandyqtarǵa kóshege shyǵyp, óz pikirin bildirýge ruqsat etiledi.
"Bas prokýratýra kóshelerdegi sherýlerdiń zańsyzdyǵy týraly talaı márte eskertti. Zańsyz mıtıń, tártipsizdik mundaı aksıalarǵa qatysqysy kelmeıtin adamdarǵa da kedergi keltiredi emes pe. Sondyqtan zań ázirlenedi. Narazylyq sherýine shyǵyp, óz pikirin aıtqysy keletinder tıisti ınstansıaǵa júginedi. Ol adamdarǵa jınalyp, oı-pikirlerin bildirý úshin arnaıy oryn bólinedi", - dedi prezıdent.
Al prezıdent saılaýy kúni jáne odan keıingi zańsyz mıtıńter kezinde ustalǵandarmen bas prokýratýra aınalysyp jatyr.
"Eger olardyń arasynda qoǵamdyq qaýipsizdikke aıtarlyqtaı zıan keltirmegen adamdar bolsa, olar taıaý arada bosatylady, árıne. Maǵan olardyń arasynda kezdeısoq ustalǵandar da bolǵanyn habarlady. Biz olardy tez arada bosatamyz. Bul másele sheshiledi", - dep sendirdi Toqaev.
Origin: sputniknews.kz
